2 थिस्सलुनीकियों 2:12 - चम्बयाली नौआ नियम

¹² परमेश्वर ने तिन्हा सारे लोक्कां रा हिसाब-किताब लैणा जिन्हा ने मसीह यीशु रे सच्चाई रे बसेख पर विश्वास नी कित्तेया पर अपणे बुराई रे कम्मां कने प्यार कित्तेया।

2 थिस्सलुनीकियों 2:12 ပူးပေါင်းရင်းမြစ်များ

मरकुस 14:11

बड्डे पुरोत्त मणू ए सुणी करी खुस होई गे, ते यहूदा इस्करियोती जो पैसे दैणे रा वादा कित्ता। अते से मौका तोपणा लग्गेया कि यीशु जो कुस तरिक्के कने पकड़वां।

मरकुस 16:16

जे विश्वास करी के बपतिस्मा लिन्गा तिसेरा ही छुटकारा होणा, पर जे विश्वास नी करगा, तिसेरे पाप माफ नी होणे ते से गुनेह्गार मन्नेया जाणा।

यूहन्ना 3:36

जे परमेश्वर रे पुत्तर पर विश्वास करदा, हमेसा री जिन्दगी तिसेरी है, पर जे परमेश्वर रे पुत्तर री नी मनदा, तिनिए हमेसा री जिन्दगी नी दिखणी, पर परमेश्वर ने तिसजो सजा दैणी।

रोमियों 1:32

से ता परमेश्वर रे इन्हा धार्मिकता रे नियमां जो जाणदे कि इदेय-इदेय कम्म करणे वाले मौत री सजा रे जोग्गे हिन, ते फिरी भी ना सिर्फ इदेय कम्म करदे, पर इदेय कम्म करणे वालेयां का खुस भी हुदें। से ता जाणदे कि परमेश्वर इंसाफ करणा चाह्‍ंदे, ते इदेय कम्म करणे वाले मणू तिन्हेरी नजर बिच मौत री सजा रे जोग्गे हिन।

रोमियों 12:9

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

1 कुरुन्थियों 13:6

जां मणू गलत कम्म करदे तां से बड़े दुखी हुंदे, पर से मणू तां बड़े खुस हुंदे जां मणू ठीक कम्म करदे।

1 थिस्सलुनीकियों 5:9

किजोकी परमेश्वर ने असा जो अपणे गुस्से बिच सजा दैणे तांइ नी चुणे रा है पर मसीह यीशु रे जरिए छुटकारा पाणे तांइ चुणे रा है।

2 थिस्सलुनीकियों 2:10

तिनिये हर तरिक्के रे बुरे कम्म करणे ते तिनिये तिन्हा लोक्कां जो भटकाणा जिन्हा जो परमेश्वर ने नास करणा किजोकी तिन्हा ने मसीह रे सच्चाई रे बसेख जो नी अपणाया जे तिन्हा लोक्कां जो बचाई सकदा थिया।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।