2 थिस्सलुनीकियों 1:7 - चम्बयाली नौआ नियम7 किजोकी तुसा दुख-मुसीबतां सहन करेया करदे हिन इधेरे तांइ परमेश्वर ने तुसा ते असा जो अराम दैणा। ए सब किच्छ तां होणा जां मसीह यीशु ने अपणे ताकतवर स्वर्गदूतां कने धधकदी आग्ग सांई स्वर्ग का वापिस हटणा। အခန်းကိုကြည့်ပါ။ |
2 थिस्सलुनीकियों 1:7
51 ပူးပေါင်းရင်းမြစ်များ
पर इक्क दिन पता लग्गी जाणा कुसने कदेया कम्म कित्ते रा है। किजोकी जिस दिन मसीह ने वापिस हटी करी आणा तां तिन्हा ने इस गल्ल जो साफ-साफ ज़ाहिर करी दैणा। ए सब किच्छ इदेया होणा कि सारेयां ने तिस घर जो बणाणे तांइ इस्तेमाल कित्ते रे समान जो आग्ग बिच पाई करी परखेया जाणा। तिन्हा ने ए दिखणा कि परमेश्वर रे हर इक्क सेवक ने कदेया कम्म कित्ते रा है, ते तिन्हा ने इस गल्ल फैसला करणा कि तिन्हेरा कम्म खरा है या बेकार। जिय्यां कोई आदमी घर बणाणे रे समान जो आग्ग कने परखी करी दिखदा कि से जादा समय तांइ चलणा या तौले ही फुकी जाणा।
ते ए भी याद करो कि सदोम ते अमोरा नां रे सहरां ते तिन्हेरे नेड़े-तेड़े रे सहरां कने कै होया थिया। तित्ते रे मणू अनैतिक कम्मां बिच पेई गे थिये ते हर तरिक्के री अश्लीलता रे कम्मां कने भरी गेरे थिये इधेरे तांइ परमेश्वर ने तिन्हा जो आग्ग कने तबाह करी दित्तेया। ए सारी गल्लां झूठ्ठे शिक्षकां तांइ इक्क चितौणी है कि तिन्हा जो भी हमेसा तिकर बलणे वाली आग्ग बिच तबाह कित्तेया जाणा।
फिरी मैं स्वर्ग का ए अवाज सूणी, “इन्हा गल्लां जो लिख्खी लै, अब्बे का लेई करी से मणू धन्न हिन जे परमेश्वर बिच विश्वास करदे होए ही मरे। फिरी पवित्रात्मा ने इस गल्ल जो ए बोल्ली करी पक्का कित्तेया, ए सच है। से धन्न हिन किजोकी तिन्हा ने अवे अपणी मैहनत रे कम्म का अराम करणा, तिन्हा जो तिन्हेरे कित्ते रे कम्मां तांइ ईनाम दित्तेया जाणा।”
ကြော်ငြာတွေ