2 थिस्सलुनीकियों 1:4 - चम्बयाली नौआ नियम

⁴ इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 थिस्सलुनीकियों 1:4 ပူးပေါင်းရင်းမြစ်များ

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 8:25

पर असी तिस ही चीज री आस रखदे जिन्हा जो हल्ले असी दिख्खे रा ना हो। ते असा जो सबर ते हौंसले कने तिसजो भालणा भी चाएदा।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

2 कुरुन्थियों 12:10

इधेरे तांइ मैं मसीह यीशु जी तांइ कमजोरियां अन्दर, ते निन्दा होणे अन्दर, ते दरिद्रता अन्दर, ते जुल्मां अन्दर अते बुरे समय अंदर भी खुस है, किजोकी जां मैं कमजोर हुन्दा, तां मसीह मेरे जो ताकत दिंदे।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

2 कुरुन्थियों 9:4

इय्यां ना हो कि अगर मकिदुनिया प्रदेश रा रैह्णे वाला कोई विश्वासी मेरे कन्ने आओ, ते से दिख्खो कि तुसा मणू तैयार ही नी हिन, तां होई सकदा कि असी तुसा पर बड़ा भरोस्सा करणे री वजह कने शर्मिंदा होई जाण, पर तुसा असा का भी जादा शर्मिंदा होणा।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 2:14

इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,

1 थिस्सलुनीकियों 2:19

भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

2 थिस्सलुनीकियों 3:5

प्रभु यीशु मसीह तुसा जो ए समजणे री ताकत दे कि परमेश्वर अपणे लोक्कां कने किन्ना जादा प्यार करदे ते जिय्यां मसीह यीशु ने अप्पु सबर रख्खी करी सहन कित्तेया तिय्यां ही तुसा भी सहन करी सको।

इब्रानियों 10:36

किजोकी तुसा जो सबर रखणा जरुरी है, ताकि तुसा परमेश्वर री मर्जी जो पूरा करी के, तिन्हा जो खुस करी सको ते तुसा ने तिस ईनाम जो पाणा जिसेरा वादा परमेश्वर ने कित्ते रा है।

इब्रानियों 6:15

ते इस तरिक्के कने अब्राहम ने सबर करी के परमेश्वर रे वादे जो हासिल कित्ता।

याकूब 5:11

असी सबर रखणे वाले लोक्कां जो धन्न बोलदे। तुसा अय्यूब नां रे मणू रे सबर रखणे रे बारे बिच तां सुणे रा ही है, ते प्रभु ने आखर तिसजो जे प्रतिफल दित्ता तिसजो तुसा जाणी लित्ते रा कि प्रभु अती करुणामयी ते दयालू हिन।

2 पतरस 1:6

ते ज्ञान पर अप्पु पर काबू रखणा, ते अप्पु पर काबू रखणे पर मजबूती बधांदे रेयो, ते अपणी मजबूती पर भक्ति,

प्रकाशित वाक्य 14:12

इधेरे तांइ जरुरी है कि पवित्र मणू सबर कने तिस मुसीबतां जो सहन करदे रैह्ण। तिन्हा ने से करणा जिसेरा हुकम परमेश्वर रा दित्ते रा हो, ते से मसीह यीशु पर विश्वास करणा ना छड्डे।