2 थिस्सलुनीकियों 1:12 - चम्बयाली नौआ नियम

¹² इय्यां करणे कने तुसा रे जरिये लोक्कां बिच असा रे प्रभु यीशु रा आदरमान होणा ते तुसा जो भी मसीह यीशु का आदरमान मिलणा। ए सारा किच्‍छ असा रे परमेश्वर ते प्रभु यीशु मसीह रे अनुग्रह कने होणा।

2 थिस्सलुनीकियों 1:12 ပူးပေါင်းရင်းမြစ်များ

यूहन्ना 17:10

अते सब किच्‍छ जे मेरा है, से तुसा रा है, अते जे तुसा रा है, से मेरा है अते मेरे जो उन्हेरे जरिए बड़ाई मिल्ली।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

1 कुरुन्थियों 1:4

मैं तुसा तांइ परमेश्वर रा बड़ा शुकर करदा किजोकी तिन्हा ने बड़े अनुग्रह कने तुसा रा रिस्ता मसीह यीशु कने जोड़ी करी अपणी आशीषां दित्ते री हिन। खासतौर पर तिन्हा ने तुसा जो मते तरिक्के रे आत्मिक वरदान दित्ते रे हिन, ताकि तुसा दूज्जे लोक्कां जो तिन्हेरे बसेख ते वचन रे ज्ञान रे बारे बिच दस्सी सको। इधेरे तांइ परमेश्वर ने तुसा लोक्कां बिच ए साबित कित्ते रा है कि मसीह यीशु रा सुब बसेख सच है।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

2 थिस्सलुनीकियों 1:10

ए सारी चीजां तिस बेल्ले होणी जां मसीह यीशु ने तिन्हा लोक्कां का महिमा ते आदरमान पाणे तांइ हटी आणा जे तिन्हा बिच विश्वास करदे ते जे तिन्हेरे अपणे मणू हिन। तुसा भी तिन्हा लोक्कां बिच होणा किजोकी तुसा तिस बसेख पर विश्वास कित्तेया जे असा ने तुसा जो दस्सेया थिया।

तीतुस 2:11

किजोकी परमेश्वर ने सारे लोक्कां जो छुटकारा दैणे तांइ इक्क रस्ता खोल्ली करी तिन्हा पर अनुग्रह कित्तेया।

1 पतरस 4:14

जे मसीह यीशु रे नां री वजह कने तुसा री बेजती कित्ती जांदी तां तुसा धन्न हिन, किजोकी परमेश्वर रा महिमामय आत्‍मा तुसा बिच वास करदा।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,