2 पतरस 3:3 - चम्बयाली नौआ नियम

³ खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।

2 पतरस 3:3 ပူးပေါင်းရင်းမြစ်များ

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 तीमुथियुस 3:1

ओ तीमुथियुस, अवे जे मैं तेरे जो दसणा तिस पर ध्यान दे आखरी समय बिच मुसीबतां रा समय होणा,

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

2 पतरस 1:20

पर तुसा जो ए गल्ल समजणे री जरुरत है कि जे गल्लां भविष्यद्वक्तां ने बोल्ले री हिन, से तिन्हेरे अपणे मन रे ख्याल नी हिन।

2 पतरस 2:10

परमेश्वर ने पक्के तौर पर तिन्हा झूठ्ठे शिक्षकां जो सजा दैणी जे मणू अपणी बुरी ते अश्लील इच्छां रे हिसाब कने चलदे ते परमेश्वर जो नक्कारदे। से मणू ढीठ ते घमंडी हिन। से मणू स्वर्ग बिच रैह्णे वाले महिमामय प्राणियां रे बारे बिच गलत गल्लां बोलणे का नी डरदे।

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”