2 पतरस 3:16 - चम्बयाली नौआ नियम16 अपणी हर चीठ्ठी बिच तिनिये तिस्सी तरिक्के री गल्लां दस्से री हिन असा ने तुसा जो चीठ्ठी बिच लिख्खी करी भेज्जी री हिन। पर किच्छ चीजां जे तिनिये अपणी चीठ्ठी बिच लिख्खी करी भेज्जी री हिन, तिन्हा जो समझणा मुस्किल है। जिन्हा ने ए गल्लां ठीक तरिक्के कने नी सिख्खे रे हिन, ते जिन्हा लोक्कां रा विश्वास डामाडोल है, से इन्हा गल्लां रा मतलब गलत तरिक्के कने सिखांदे, जिय्यां कि से पवित्रशास्त्र री बाकि री गल्लां रा मतलब गलत तरिक्के कने समझांदे। इय्यां करणे कने से परमेश्वर जो तिन्हा जो मुकाणे तांइ उकसांदे। အခန်းကိုကြည့်ပါ။ |
2 पतरस 3:16
26 ပူးပေါင်းရင်းမြစ်များ
ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।
जिय्यां कि बड़े पैल्ले झूठ्ठे भविष्यद्वक्तां उठे थिये, तिय्यां ही तुसा बिच झूठ्ठे शिक्षक उठणे। तिन्हा ने झूठ्ठी शिक्षा देया करणी जिसेरी वजह कने लोक्कां ने मसीह बिच विश्वास करणा छड्डी दैणा। इत्ते तिकर तिन्हा ने मसीह जो अपणा मालिक बणने का इन्कार करी दैणा जिन्हेरा तिन्हा लोक्कां पर हक है ते जिन्हा ने तिन्हा लोक्कां जो पाप रे काबू का अजाद कित्ते रा है। तिस्सी तरिक्के कने तिन्हा ने अप्पु जो चाणचक्के ही मुकाई दैणे री वजह बणना।
से जिस भी जनानी जो दिखदे तिस कने व्यभिचार ही करणा चाह्ंदे। से पाप करणे रे मौक्केयां जो तोपदे रैह्न्दे। जे मणू मसीह बिच विश्वास करणे अंदर मजबूत नी हिन, से मणू तिन्हा जो भटकाई करी तिन्हा का पाप करवांदे। तिन्हेरे जादा का जादा चीजां जो हासिल करणे रे तिन्हेरे लालच री वजह कने परमेश्वर ने तिन्हा जो सजा दैणी।
मेरा तुसा जो ए चीठ्ठी लिखणे रा मकसद ए है कि किच्छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।
ကြော်ငြာတွေ