2 पतरस 3:14 - चम्बयाली नौआ नियम

¹⁴ इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।

2 पतरस 3:14 ပူးပေါင်းရင်းမြစ်များ

मत्ती 24:26

इस तांइ, जे से तुसा जो बोल्ले, दिख्खो से जगंल बिच है, तां बाहर मत निकली जादें या दिख्खो से कोठरियां बिच है, तां विश्वास मत करदे।

मत्ती 25:7

ते उस्सी बेल्ले से सारी कुवांरियाँ उठी अते अपणी मसांला तैयार कित्ती।

लूका 12:43

से मुंशी धन्न है जिस जो मालक आई करी दिख्खो कि से पूरी ईमानदारी कने अपणा कम्म करेया करदा है

लूका 2:29

ओ मेरे प्रभु जी, अवे मैं सांती कने मरी सकदा, किजोकी तुसा री बोल्ले री गल्ल अज्ज पूरी होई गई,

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

फिलिप्पियों 2:15

ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।

फिलिप्पियों 3:20

पर असी स्वर्ग रे मणू जित्ते असा रे छुटकारा दैणे वाले प्रभु यीशु मसीह रैहन्दे। ते असी बेसबरी कने तिन्हेरे हटणे रा उतालेपन कने इंतजार करेया करदे हिन।

1 थिस्सलुनीकियों 3:13

अते इस तरिक्के कने से तुसा सारेयां रे मन जो मजबूत करण, अते पिता परमेश्वर रे सामणे असा रे प्रभु यीशु रे हटणे पर अपणे सब लोक्कां कने पवित्र अते बेकसूर ठैहराई देंन।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

1 तीमुथियुस 6:14

कि तू पूरी तरिक्के कने तिन्हा सारी गल्लां जो मन्ने जिसेरा हुकम मैं तिज्जो दित्ते रा है ताकि मसीह यीशु रे हटणे रे दिन तिकर कोई भी तेरे पर गलत कम्म करणे रा इल्जाम ना लाई सके।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।

2 पतरस 3:16

अपणी हर चीठ्ठी बिच तिनिये तिस्सी तरिक्के री गल्लां दस्से री हिन असा ने तुसा जो चीठ्ठी बिच लिख्खी करी भेज्जी री हिन। पर किच्‍छ चीजां जे तिनिये अपणी चीठ्ठी बिच लिख्खी करी भेज्जी री हिन, तिन्हा जो समझणा मुस्किल है। जिन्हा ने ए गल्लां ठीक तरिक्के कने नी सिख्खे रे हिन, ते जिन्हा लोक्कां रा विश्वास डामाडोल है, से इन्हा गल्लां रा मतलब गलत तरिक्के कने सिखांदे, जिय्यां कि से पवित्रशास्त्र री बाकि री गल्लां रा मतलब गलत तरिक्के कने समझांदे। इय्यां करणे कने से परमेश्वर जो तिन्हा जो मुकाणे तांइ उकसांदे।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।