2 पतरस 3:11 - चम्बयाली नौआ नियम

¹¹ ए गल्ल साफ है कि परमेश्वर ने सब किच्‍छ इय्यां ही तबाह करणा, तुसा जाणदे कि तुसा जो कदेया बोल-चाल रखणा चाएदा।

2 पतरस 3:11 ပူးပေါင်းရင်းမြစ်များ

मत्ती 8:27

अते से हैरान होई करी बोलणा लगे, “ए कदेया मणू ए कि हनेरी अते झील भी इसेरा हुकम मन्दे हिन?”

रोमियों 13:11

तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 3:20

पर असी स्वर्ग रे मणू जित्ते असा रे छुटकारा दैणे वाले प्रभु यीशु मसीह रैहन्दे। ते असी बेसबरी कने तिन्हेरे हटणे रा उतालेपन कने इंतजार करेया करदे हिन।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

1 तीमुथियुस 4:12

किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।

1 तीमुथियुस 6:11

पर ओ तीमुथियुस, तू परमेश्वर री सेवा करणे वाला मणू है, तेरे जो जाणी करी इदेइ चीजां का टलणा चाएदा। हमेसा धार्मिकता, भक्ति ते विश्वास रे कम्म करणे री कोसीस करो। इक्क इदेइ जिन्दगी जियो जिस कने परमेश्वर जो आदरमान मिल्ले। मसीह रा आदरमान करो, सारे लोक्कां कने प्यार रख्खो, मुस्किल हालात्तां बिच हार मत मन्नों, लोक्कां कने नरमदिल होई करी रेयो।

1 तीमुथियुस 6:3

जे अगर कोई मणू गलत शिक्षा सिखांदा ते मसीह यीशु री दित्ते री सही शिक्षा जो नी मनदा,

1 तीमुथियुस 6:6

पर असा तांइ ए खरा है कि असी से कम्म करिये जिस कने परमेश्वर खुस हुंदे ते तिस बिच संतुष्ट रैह्ण जे परमेश्वर असा जो दिंदे।

इब्रानियों 13:5

तुसा अपणी जिन्दगी बिच धन-दौलत रा लालच मत रख्खो, ते तुसा का जे है, तिस अन्दर ही खुस रेयो, किजोकी परमेश्वर अप्पु ही बोलदे, “मैं तुसा जो ना तां कदी छडणा ते ना कदी त्यागणा।”

याकूब 1:24

ते अप्पु जो दिखणे का बाद तिस्सी बेल्ले भुल्ली जांदा कि से कदेया दिसदा।

याकूब 3:13

जे अगर तुसा समजदार ते परमेश्वर री गल्लां जो समजणे वाले मणू हिन, तां इधेरे तांइ इक्क खरी जिन्दगी जियो। निम्तेपन ते समजदारी कने ठीक कम्म करी के साबित करो।

1 पतरस 1:15

हर इक्क गल्ल बिच अप्पु जो बुराई रे कम्मां का बखरा रेयो किजोकी परमेश्वर पवित्र हिन।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

2 पतरस 1:6

ते ज्ञान पर अप्पु पर काबू रखणा, ते अप्पु पर काबू रखणे पर मजबूती बधांदे रेयो, ते अपणी मजबूती पर भक्ति,

2 पतरस 3:10

पर मसीह ने पक्के तौर पर वापिस हटणा। तिन्हा ने कुसकी रे सोच्चे बगैर ही हटणा, जिय्यां कि कोई चोर आंदा। तिस बेल्ले आसमान बिच गर्जणे जदेई अवाज होणी, ते आसमान गायब होई जाणा, सूरत, चाँद, ते सितारे आग्ग कने मुकाई दित्ते जाणे। तिस दिन, परमेश्वर ने से हर इक्क से चीज जाहिर करणी जे लोक्कां ने धरती पर कित्ते री हिन ताकि परमेश्वर तिन्हा का हिसाब-किताब लेई सके।

2 पतरस 3:12

जां तुसा बड़ी बेसबरी कने तिस दिन रा इंतजार करेया करदे हिन जे परमेश्वर ने मसीह रे हटणे तांइ रख्खे रा है तां तुसा इसी तरिक्के कने बोल-चाल बणाई रख्खो, ते तिस दिन जो तौले लाणे तांइ तुसा पूरी कोसीस करो। तिस दिन परमेश्वर ने आसमान जो आग्ग के मुकाई दैणा, ते आग्ग री गरमी ने आसमान री सब चीजां जो गलाई दैणा।