2 पतरस 2:8 - चम्बयाली नौआ नियम

⁸ से तिन्हा बुरे लोक्कां बिच रेया, ते तिनिये हर रोज तिन्हेरी बुरी चीजां दिख्खी ते गलत गल्लां सूणी, ते इन्हा सारी चीजां री वजह कने से बड़ा परेशान होया किजोकी से इक्क खरा मणू थिया।

2 पतरस 2:8 ပူးပေါင်းရင်းမြစ်များ

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

इब्रानियों 11:4

विश्वास कने ही आदम रे मुंडे, हाबिल ने कैन का खरा कुर्बानी परमेश्वर तांइ चढाया, ते तिस कुर्बानी रे ही जरिए तिसेरे धार्मिक होणे री गवाई भी दित्ती गयी। किजोकी परमेश्वर ने तिसेरे चढ़ा़वे रे बारे बिच गवाई दित्ती, ते तिसेरा ए ही विश्वास असा तांइ अज्ज भी इक्क मिसाल है।

याकूब 5:16

इधेरे तांइ तुसा अप्पु बिच इक्क-दूए रे सामणे अपणे-अपणे पाप्पां जो मन्नी लेयो, ते इक्क-दूए तांइ प्रार्थना करो, जिस कने तुसा अपणी बिमारियां का ठीक होई जाओ। धार्मिक मणू री प्रार्थना रे असर कने सब कुछ होई सकदा।