2 पतरस 2:21 - चम्बयाली नौआ नियम

²¹ मेरे बोलणे रा मतलब ए है कि परमेश्वर ने तिन्हा लोक्कां जो होर मणूआं का जादा सजा दैणी जिन्हा ने मसीह जो कदी अपणाया ही नी, तिन्हा लोक्कां तांइ ए ही खरा हुंदा कि से धार्मिक तरिक्के कने जिन्दगी जीणा नी सिखदे, किजोकी अवे से मणू जाणदे पर फिरी भी जाणी करी तिन्हा ने परमेश्वर रे हुकम जो नक्कारी दित्ते रा है जिस जो असी प्रेरित मणू तिन्हा जो सिखांदे।

2 पतरस 2:21 ပူးပေါင်းရင်းမြစ်များ

मत्ती 21:32

किजोकी यूहन्ना बपतिस्मा दैणे वाला धार्मिकता रा रस्ता दसदे होए तुसा का आया, ते तुसा ने तिसेरा विश्वास नी कित्ता पर महसुल लैणे वालेया ने ते वेश्या ने तिसेरा विश्वास करी के अपणे पाप्पां का तौबा कित्ती ते तिसेरे गलाए चलणा लग्गी पये, ते तुसा ए दिख्खी करी बाद बिच भी नी पछताए की तिसेरा विश्वास करी लिदें।

लूका 12:47

से नौक्कर जे अपणे मालक री मरजी जाणदा हो पर तिय्यां नी करणे तांइ तैयार ना रैहन्दा हो ते तिय्यां नी कमांदा हो तां तैसे नौक्कर जो बड़ी बुरे हाल्ले मार पैणी।

यूहन्ना 15:22

जे मैं नी आंदा अते तिन्हा कने गल्लां नी करदा तां से कुसकी भी पाप रे कसुरवार नी हुन्दे पर अवे तिन्हा का तिन्हेरे पाप्पां तांइ कोई भी भाह्ना नी ए

यूहन्ना 9:41

यीशु ने तिन्हा जो बोल्लेया, जे अगर तुसा अन्ने हुदें तां पाप्पी नी मन्ने जादें पर अवे बोलदे कि असी दिखदे, इस तांइ तुसा रा पाप माफ नी कित्ते गे।

रोमियों 7:12

पर फिरी भी मूसा रे कानून ते तिस बिच लिख्खे गे हुकम, धार्मिक, ठीक ते पवित्र हिन।

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

1 थिस्सलुनीकियों 4:2

किजोकी तुसा जो याद है कि असी तुसा जो मसीह यीशु रे नां बिच कै सिखाए रा है।

1 तीमुथियुस 6:14

कि तू पूरी तरिक्के कने तिन्हा सारी गल्लां जो मन्ने जिसेरा हुकम मैं तिज्जो दित्ते रा है ताकि मसीह यीशु रे हटणे रे दिन तिकर कोई भी तेरे पर गलत कम्म करणे रा इल्जाम ना लाई सके।

इब्रानियों 10:26

किजोकी, मसीह रे बसेख जो अपनाणे रे बाद जे अगर असी जाणी करी पाप करदे रे, तां फिरी असा तांइ होर कोई कुर्बानी नी है जे असा रे पाप्पां का बचाई सके।

याकूब 4:17

इधेरे तांइ जे कोई भलाई करणा जाणदा ते नी करदा, तिसेरे तांइ ए पाप है।

2 पतरस 3:2

मैं ए इधेरे तांइ करेया करदा है किजोकी मैं चाह्‍ंदा कि तुसा से गल्लां याद करो जे परमेश्वर रे भविष्यद्वक्ता ते असा जो छुटकारा दैणे वाले असा रे प्रभु मसीह यीशु ने लम्बे समय पैल्ले बोल्ली थी, जे तुसा जो प्रेरितां ने भी सिखाई थी जे तुसा का आए थिये।

यहूदा 1:3

मेरे प्यारे दोस्तों, मैं तुसा जो तिस छुटकारे रे बारे बिच चीठ्ठी लिखणे री बड़ी कोसीस कित्ती जे असा जो परमेश्वर रे पास्से का मसीह यीशु रे जरिये मिल्ले रा है ते जिस बिच असी सारे हिस्सेदार हिन। पर अवे मैं तुसा जो इस चीठ्ठी रे जरिये प्रोत्साहित करणा चाह्‍ंदा ताकि तुसा अपणे मसीही विश्वास बिच होर भी जादा मजबूत होणे री कोसीस करो। परमेश्वर ने अपणे लोक्कां जो ए विश्वास इक्क ही वरी तांइ देई दित्ते रा है, ते ए कदी बदली नी सकदा।