2 पतरस 2:19 - चम्बयाली नौआ नियम

¹⁹ ए झूठ्ठे शिक्षक लोक्कां जो ए सिखांदे कि से मणू जे करणा चाण, से करी सकदे। से मणू अप्पु भी अपणे रे पाप रे स्वभाव री वजह कने गुलाम्मां सांई हिन जे तिन्हा पर पाप करणे तांइ जोर पांदा। जे किच्‍छ भी तुसा जो चलांदा, तुसा तिसेरे ही गुलाम हिन।

2 पतरस 2:19 ပူးပေါင်းရင်းမြစ်များ

यूहन्ना 8:34

यीशु ने तिन्हा जो जवाब दित्ता, मैं तुसा जो सच-सच बोलदा कि जे कोई पाप करदा, तां से पाप रा गुलाम है।

प्रेरितां रे कम्म 19:16

ते तिस मणू ने जिस बिच दुष्टात्मा थी, तिन्हा पर झपटी करी, ते तिन्हा जो अपणे वस बिच लियाई करी, तिन्हा कने इदेयी जोर-जबरदस्ती कित्ती, कि से नंगे ते जख्मी होई करी तिसेरे घरे का नस्सी गे

गलातियों 5:1

मसीह यीशु ने असा जो मूसा रे कानून का अजाद करणे तांइ असा जो अजाद कित्ते रा है, इधेरे तांइ पक्के तौर पर अपणी अजादी जो मत गुआंदे, ते दुबारा मूसा रे कानून जो मन्नी करी अप्पु जो गुलाम मत बणदे।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

2 तीमुथियुस 2:26

ताकि से मणू भी चुकन्ने होई जाण ते शैतान रे चंगुल का छुड़की जाण, जिस ने तिन्हा जो अपणी मर्जी पूरी करवाणे तांइ धोख्खे बिच पाई रख्खे रा है।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 पतरस 2:16

तुसा जो कोई भी से करणे का नी रोक्की सकदा जे तुसा करणा चाह्‍ंदे किजोकी तुसा असा प्रभु यीशु मसीह रे जरिये अजाद करी दित्ते गेरे हिन। पर इस गल्ल रे बहान्ने कोई गलत कम्म मत करदे। बल्कि तुसा जो अपणे कम्मां कने ए दिखाणा चाएदा कि तुसा परमेश्वर रे सेवादार हिन।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।

2 पतरस 2:20

मणू जां मसीह जो अपणे प्रभु ते छुटकारा दैणे वाले रे रुप बिच जाणी जांदे, तां से दुनिया री दुष्टता का बची जांदे। पर अवे दुबारा से मणू गलत कम्म करणे बिच शामिल होई गेरे हीन ते से गलत कम्म अवे तिन्हा जो चलांदे। इधेरे तांइ मसीह जो नक्कारी दैणे का बाद तिन्हेरी अब्बे री हालत तिस समय का जादा बुरी है जां से मसीह जो नी जाणदे थिये।