2 पतरस 2:18 - चम्बयाली नौआ नियम

¹⁸ जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

2 पतरस 2:18 ပူးပေါင်းရင်းမြစ်များ

प्रेरितां रे कम्म 2:40

ते पतरस होर मती गल्लां कने भी गवाई देई-करी घड़ी-घड़ी समजाया कि अपणे आप जो इस टेड़ी जाति का बचाओ।

प्रेरितां रे कम्म 8:9

तिस सहर बिच शमौन नां रा इक्क मणू रैहन्दा थिया, जे जादू-टोणा करी के सामरिया प्रदेश रे लोक्कां जो हैरान करी के ते तिन्हेरे सामणे अप्पु जो कोई बड्डा मणू दसदा थिया

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

याकूब 5:5

तुसा दुनिया रे एशो अराम बिच ही लग्गी रे ते बड़ा ही सुख भोग्गेया। तुसा हमेसा सिर्फ अपणी खुसी तांइ जिये ते तिस्सी तरिक्के कने तांइ अप्पु जो तैयार कित्ता कि प्रभु तुसा जो सजा दैण।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।

2 पतरस 2:14

से जिस भी जनानी जो दिखदे तिस कने व्यभिचार ही करणा चाह्‍ंदे। से पाप करणे रे मौक्केयां जो तोपदे रैह्‍न्दे। जे मणू मसीह बिच विश्वास करणे अंदर मजबूत नी हिन, से मणू तिन्हा जो भटकाई करी तिन्हा का पाप करवांदे। तिन्हेरे जादा का जादा चीजां जो हासिल करणे रे तिन्हेरे लालच री वजह कने परमेश्वर ने तिन्हा जो सजा दैणी।

2 पतरस 2:2

परमेश्वर रे मते लोक्कां ने इन्हा झूठ्ठे शिक्षकां रे गलत कम्मां जो करणा, ते जे चीजां से मणू करदे, तिसेरी वजह कने लोक्कां ने सही रस्ते री बुराई करणी।

2 पतरस 2:20

मणू जां मसीह जो अपणे प्रभु ते छुटकारा दैणे वाले रे रुप बिच जाणी जांदे, तां से दुनिया री दुष्टता का बची जांदे। पर अवे दुबारा से मणू गलत कम्म करणे बिच शामिल होई गेरे हीन ते से गलत कम्म अवे तिन्हा जो चलांदे। इधेरे तांइ मसीह जो नक्कारी दैणे का बाद तिन्हेरी अब्बे री हालत तिस समय का जादा बुरी है जां से मसीह जो नी जाणदे थिये।

2 पतरस 2:7

पर तिन्हा ने सदोम सहर जो तबाह करणे का पैल्ले लूत जो तिस सहर का कढाइ करी तिसजो बचाया, जे इक्क खरा मणू थिया। लूत इस गल्ल कने बड़ा परेशान थिया किजोकी मणू परमेश्वर रे कानून रे मुताबिक नी चलदे थिये ते अश्लील चीजां करदे थिये।

2 पतरस 3:17

तुसा जो पैल्ले का पता है कि ए सब चीजां होणे वाली हिन। इधेरे तांइ चुकन्ने रेयो, किजोकी जे मणू कानूनां जो नी मनदे तिन्हा ने तुसा कने झूठ बोल्ली-बोल्ली करी तुसा जो भटकाई दैणा। तुसा ने तिस ही गल्ल पर शक करणा सुरु करी दैणा जिस पर तुसा इक्क समय पर पक्का विश्वास करदे थिये।

यहूदा 1:13

जिय्यां समुंद्र री जोरदार छलारां गंदी झाग बणादी तिय्यां ही ए मणू भी शर्मिंदगी भरे कम्म करदे। से मणू सुरुआत ता करदे पर सीद्दे रस्ते पर नी चलदे, से सही रस्ता नी दिखांदे। परमेश्वर ने तिन्हा लोक्कां तांइ इदेइ न्याहरी जगाह् बणाए री है जित्ते तिन्हा लोक्कां जो रख्खेया जाणा।

प्रकाशित वाक्य 13:11

फिरी मैं इक्क ड्रोणे जानवर जो धरती का निकलदे दिख्खेया, तिस “उरणू” सांई दो सींग थिये, ते से अजगर सांई बोलदा थिया।