2 पतरस 2:17 - चम्बयाली नौआ नियम

¹⁷ ए झूठ्ठे भविष्यद्वक्ता बेकार रे कुएं सांई हिन जे सुकी गेरे हिन। से बरखा होणे का पैल्ले तिस धुंद सांई कुसकी कम्मे रे नी हिन जे हवा कने उड़ाई दित्ती जांदी। परमेश्वर ने तिन्हा तांइ इक्क इदेइ जगाह् तैयार कित्ते री है जे बिल्कुल ही न्याहरी है।

2 पतरस 2:17 ပူးပေါင်းရင်းမြစ်များ

मत्ती 22:13

तां राज्जे ने नौकरांं जो बोल्लेया, इसेरे हात्थ-पैर बन्नी करी इसजो बार न्याहरे बिच पाई देयो, तित्ते रोणा ते दांद्द पिह्णा होणा।

मत्ती 25:30

इधेरे तांइ उस बेकार नौक्कर जो बाहर न्यहारे बिच सूट्टी देयो जित्ते मणूआं ने रोणा अते अपणे दांद पीह्णे।

मत्ती 8:12

पर इस्राएल रे मते सारे लोक्कां जो बाहर न्याहरे बिच सूटी दित्तेया जाणा: तित्ते रोणा अते दांद्द पिह्णा होणा।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

इब्रानियों 12:18

तुसा इक्क असली पहाड़ का नी आए रे हिन, ना ही इक्क धधकदी आग्ग का, ना ही न्याहरे बिच, ना ही धुंधलेपन का, ना ही बवण्डर का, ते तुसा ना तुरही री अवाज का आए रे हिन, जिय्यां इस्राएल रे सीने पहाड़ का आए थिये।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

यहूदा 1:6

याद करो कि प्रभु ने किय्यां तिन्हा शैतान रे दूतां जो सजा दित्ती थी जे अपणी जिम्मेदारी जो नी निभाया पर इसेरे उलट तिन्हा ने अपणे तिस ओह्दे जो छड्डी दित्तेया जे परमेश्वर ने तिन्हा जो सौप्पेयां थिया। परमेश्वर ने इन्हा स्वर्गदूतां जो इक्क न्याहरी जगाह् बिच तिस दिन तिकर झंझिरां कन्ने बन्नी करी रख्खे रा है जां परमेश्वर ने तिन्हा जो गुनेह्गार ठैहराणा।