2 पतरस 2:15 - चम्बयाली नौआ नियम

¹⁵ तिन्हा ने से कम्म करणा छड्डी दित्ते रा है जे सही है, ते तिन्हा ने से ही गलत कम्म करणा सुरु करी दित्ते रे हिन जे बड़े पैल्ले बओर रे मुंडे, बिलाम ने कित्ते थिये। तिसजो गलत कम्म करी के पैसे कमाणा पसंद थिया।

2 पतरस 2:15 ပူးပေါင်းရင်းမြစ်များ

मत्ती 26:9

इसजो तां अच्छे दाम पर बेच्ची करी गरीब्बां बिच बडेंया जाई सकदा थिया।

प्रेरितां रे कम्म 1:18

जिय्यां कि तुसा जाणदे तिन्निए पाप री कमाई कने इक्क खेत्तर खरीदी लित्ता, ते सरे रे भारे पेया ते तिसेरा पेट फटी गेया ते तिसेरी सारी आन्द्रां निकली आई।

प्रेरितां रे कम्म 13:10

ओ सारी बुराई अते कपट कने भरितेरे, शैतान री औलाद, तू हर इक्क नेक गल्ल रा दुश्मण है कै तू परमेश्वर रे सीद्दे-सच्चे रस्ते जो टेढा करणा नी छडणा?

2 पतरस 2:13

तिन्हा ने जिन्ना नुक्सान कित्ते रा है, तिस तांइ तिन्हेरा ईनाम सिर्फ बर्बादी है। तिन्हा जो सरे-आम अपणी बुरी इच्छा जो पूरा करणा छैल लगदा। चाए से तुसा कने संगती बिच बेई करी रोट्टी ही किजो ना खाया करदे होण, तां भी तिन्हा जो धोख्खा दैणा पसंद है।

यहूदा 1:11

लाणत है तिन्हा मणूआं पर! से आदम रे मुंडे कैन सांई ही अपणी जिन्दगी दुष्टता बिच गुजारदे जिनिये अपणे ही भ्याल हाबिल रा खून इधेरे तांइ करी दित्तेया थिया किजोकी परमेश्वर ने हाबिल रे कुर्बानी जो अपणाई लित्तेया थिया पर तिसेरी कुर्बानी जो नी अपणाया। से ढोंगी मणू बिलाम सांई हिन जिस जो पैसे कमाणे तांइ ए प्रस्ताव मिल्लेया थिया कि से परमेश्वर रे लोक्कां जो पाप करणे तांइ उकसाए। तिन्हा ढोंगी लोक्कां ने तिस कोरह सांई बर्बाद होई जाणा जे मूसा रे हक रे खिलाफ थिया जे मूसा जो परमेश्वर ने दित्तेया थिया।

प्रकाशित वाक्य 2:14

पर मेरे जो तेरे खिलाफ किच्‍छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।