2 पतरस 2:13 - चम्बयाली नौआ नियम

¹³ तिन्हा ने जिन्ना नुक्सान कित्ते रा है, तिस तांइ तिन्हेरा ईनाम सिर्फ बर्बादी है। तिन्हा जो सरे-आम अपणी बुरी इच्छा जो पूरा करणा छैल लगदा। चाए से तुसा कने संगती बिच बेई करी रोट्टी ही किजो ना खाया करदे होण, तां भी तिन्हा जो धोख्खा दैणा पसंद है।

2 पतरस 2:13 ပူးပေါင်းရင်းမြစ်များ

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

इफिसियों 5:27

तिन्हा ने इधेरे तांइ भी कुर्बानी दित्ती ताकि से अपणे सारे लोक्कां जो सिद्व बणाए ते तिन्हा सारेयां जो अपणी मौजुदगी बिच लेई आए जिन्हा बिच कोई भी गलती या पाप नी होणा, बल्कि तिसने साफ ते पवित्र होणा।

फिलिप्पियों 3:19

अग्गे चली करी तिन्हेरा खातमा होई जाणा, तिन्हेरा परमेश्वर तिन्हेरे शारीरिक इच्छा हिन, से अपणी बेशर्मी री गल्लां पर घमंड करदे, ते से मणू सिर्फ तिन्हा दुनियावी चीजां जो करणे रे बारे बिच सोचदे रैहन्दे जे इस दुनिया रे मणू करदे।

2 तीमुथियुस 4:14

सिकंदर ठठैरे ने मेरे जो मते तरिक्केयां कने मेरे जो दुखी कित्ते रा है। प्रभु ने तिसजो तिसेरे बुरे कम्मां रे हिसाब कने बदला दैणा।

याकूब 5:5

तुसा दुनिया रे एशो अराम बिच ही लग्गी रे ते बड़ा ही सुख भोग्गेया। तुसा हमेसा सिर्फ अपणी खुसी तांइ जिये ते तिस्सी तरिक्के कने तांइ अप्पु जो तैयार कित्ता कि प्रभु तुसा जो सजा दैण।

1 पतरस 4:4

इसी वजह कने अवे से मणू हैरान हुंदे जां तुसा तिन्हेरे गंदे कम्मां बिच तिन्हा कने शामिल नी हुंदे। इधेरे तांइ से तुसा रे बारे बिच गलत गल्लां बोलदे।

2 पतरस 2:15

तिन्हा ने से कम्म करणा छड्डी दित्ते रा है जे सही है, ते तिन्हा ने से ही गलत कम्म करणा सुरु करी दित्ते रे हिन जे बड़े पैल्ले बओर रे मुंडे, बिलाम ने कित्ते थिये। तिसजो गलत कम्म करी के पैसे कमाणा पसंद थिया।

प्रकाशित वाक्य 18:6

तिस कने तदेया ही करो जदेया तिनिये लोक्कां कने कित्तेया। जे दुख लोक्कां ने तिसेरी वजह कने सहन कित्तेया, तिसने तिसेरा दुगणा भरणा। तिनिये लोक्कां जो तिसेरे गलत कम्म चखाए, इधेरे तांइ तिसने भी परमेश्वर रा दुगणा गुस्सा बर्दाश करणा।