2 पतरस 2:12 - चम्बयाली नौआ नियम

¹² पर ए झूठ्ठे शिक्षक जंगली जानवरां सांई हिन। ए जानवर नी जाणदे कि किय्यां सोचणा चाएदा ते तिन्हेरी जिन्दगी मकसद सिर्फ पकड़ी करी मरणा ही है। ए मणू जे भी तिन्हेरे दिमाग बिच आंदा, से ही करदे, ते से तिस गल्ल रे बारे बिच भी गलत गल्लां बोलदे जिन्हा जो से समजदे नी। तिन्हा ने पक्के तौर पर बर्बाद होई जाणा।

2 पतरस 2:12 ပူးပေါင်းရင်းမြစ်များ

मरकुस 7:22

व्यभिचार, लालच, बुराई करणा, धोखा, लुचपन, हिर्स, चुगली, घमंड, अते बेफकुफी।

यूहन्ना 8:21

यीशु ने फिरी तिन्हा जो बोल्लेया, मैं जान्दा ते तुसा ने मेरे जो तोपणा, पर तुसा अपणे पाप री माफी पाए बगैर ही मरी जाणा: जित्ते मैं जादां तित्ते तुसा नी आई सकदे।

गलातियों 6:8

किजोकी जे कोई अपणे सरीर री बुरी इच्छां जो पूरा करदा, तिसेरा अंजाम हमेसा री मौत होणा। ते जे कोई पवित्रात्मा रे कहे मुताबिक चलदा तां पवित्रात्मा तिसजो हमेसा री जिन्दगी दिंदे।

कुलुस्सियों 2:22

लोक्कां री ए सारी रीति-रीवाज ते शिक्षां बेकार हिन, किजोकी ए मणूआं रे हुकमां ते शिक्षा पर आधारित है।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।

2 पतरस 2:19

ए झूठ्ठे शिक्षक लोक्कां जो ए सिखांदे कि से मणू जे करणा चाण, से करी सकदे। से मणू अप्पु भी अपणे रे पाप रे स्वभाव री वजह कने गुलाम्मां सांई हिन जे तिन्हा पर पाप करणे तांइ जोर पांदा। जे किच्‍छ भी तुसा जो चलांदा, तुसा तिसेरे ही गुलाम हिन।

यहूदा 1:10

पर मसीह बिच विश्वास करणे रा ढोंग करणे वाले ए मणू तिन्हा गल्लां रे बारे बिच पुठ्ठी-सीद्दी गल्लां बोलदे जिस जो से समजदे भी नी, ते जिन्हा चीजां जो से जाणदे ते कुदरती तौर पर जानवरां सांई करदे से चीजां करणे री वजह कने ही बर्बाद भी होई जांदे।