2 पतरस 2:10 - चम्बयाली नौआ नियम

¹⁰ परमेश्वर ने पक्के तौर पर तिन्हा झूठ्ठे शिक्षकां जो सजा दैणी जे मणू अपणी बुरी ते अश्लील इच्छां रे हिसाब कने चलदे ते परमेश्वर जो नक्कारदे। से मणू ढीठ ते घमंडी हिन। से मणू स्वर्ग बिच रैह्णे वाले महिमामय प्राणियां रे बारे बिच गलत गल्लां बोलणे का नी डरदे।

2 पतरस 2:10 ပူးပေါင်းရင်းမြစ်များ

लूका 11:25

ते हटी करी तिसजो से साफ-सुथरा ते सजा सजाया मिलदा।

लूका 19:14

पर तिसेरे सहर रे मणू तिसजो सुखान्दे नी थिये, इधेरे तांइ तिन्हा ने किच्‍छ मणू तिसेरे पीच्छे ए बोल्ली करी उस देस जो भेज्जी दित्ते, कि असी नी चाह्‍ंदे कि ए असा रे पर राज करण

प्रेरितां रे कम्म 23:5

पौलुस ने बोल्लेया, ओ संगी विश्वासियों, मेरे जो पता नी थिया कि ए प्रधान पुरोत्त हिन, किजोकी पवित्रशास्त्र बिच लिख्खे रा है: अपणे मणूआं रे परधान जो बुरा नी बोलणा चाएदा

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

2 कुरुन्थियों 10:3

हालांकि असी इस दुनिया बिच रैहन्दे, पर असी इस दुनिया रे बाकि लोक्कां सांई लड़दे-झगड़दे नी।

इफिसियों 4:19

किजोकी से मणू बड़े वरी बेशर्म होई गे हिन इधेरे तांइ से अय्याशियां करणे बिच लग्गी रैह्‍न्दे। से मणू हर तरिक्के रे गंदे कम्म करदे ते से मणू इसका होर भी जादा अय्याशी करणा चाह्‍ंदे।

इफिसियों 5:5

किजोकी तुसा ए ठीक तरिक्के कने जाणदे की कुसकी व्यभिचारी या बुरे मणू, या लालच करणे वाले मणू जो जे मूर्ति या दुनियावी चीजां री पूजा करणे रे बराबर है, मसीह यीशु ते परमेश्वर रे राज बिच विरासत नी मिलणी।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

1 थिस्सलुनीकियों 4:7

किजोकी परमेश्वर ने असा जो अपवित्रता री जिन्दगी जीणे तांइ नी पर पवित्रता री जिन्दगी जीणे तांइ सद्दे रा है।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

2 पतरस 3:3

खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।

यहूदा 1:10

पर मसीह बिच विश्वास करणे रा ढोंग करणे वाले ए मणू तिन्हा गल्लां रे बारे बिच पुठ्ठी-सीद्दी गल्लां बोलदे जिस जो से समजदे भी नी, ते जिन्हा चीजां जो से जाणदे ते कुदरती तौर पर जानवरां सांई करदे से चीजां करणे री वजह कने ही बर्बाद भी होई जांदे।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।