2 पतरस 1:7 - चम्बयाली नौआ नियम

⁷ ते भक्ति पर भाईचारा बधांदे रेयो, ते भाईचारे पर प्यार भी बधांदे रेयो।

2 पतरस 1:7 ပူးပေါင်းရင်းမြစ်များ

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

कुलुस्सियों 3:14

सबका जादा जरुरी गल्ल ए है, कि तुसा इक्क-दूए कने भरपूर प्यार करो। इय्यां करणे कने तुसा पूरे तरिक्के कने इक्क-मन होई जाणा।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

इब्रानियों 13:1

भाईचारे रे रा प्यार बणी रे।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 2:17

सारेयां री इज्जत करो, मुख्य अधिकारी री इज्जत करो, ते अपणे संगी विश्वासियां कने प्यार करो।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 यूहन्ना 3:14

असी जाणदे कि असी हमेसा री मौत रे वस बिच नी हिन ते अवे असा का परमेश्वर रे पास्से का हमेसा री जिन्दगी है किजोकी असी अपणे संगी विश्वासी कने प्यार करदे ते जे मणू प्यार नी करदा, से हमेसा री मौत रे वस बिच हिन।

1 यूहन्ना 3:16

असा ने प्यार मसीह यीशु का सिख्खेया कि तिन्हा ने असा तांइ अपणी जिन्दगी देई दित्ती, इधेरे तांइ असा जो भी अपणे संगी विश्वासियां तांइ अपणी जान दैणी चाएदी।

1 यूहन्ना 4:21

ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।