2 पतरस 1:20 - चम्बयाली नौआ नियम

²⁰ पर तुसा जो ए गल्ल समजणे री जरुरत है कि जे गल्लां भविष्यद्वक्तां ने बोल्ले री हिन, से तिन्हेरे अपणे मन रे ख्याल नी हिन।

2 पतरस 1:20 ပူးပေါင်းရင်းမြစ်များ

रोमियों 12:6

हालांकि असा जो परमेश्वर का मिल्ले रे तिस अनुग्रह रे हिसाब कने, बखरे-बखरे वरदान मिल्ले रे हिन। तां जिस जो भविष्यवाणी करणे रा वरदान मिल्ले रा हो, तिसजो पूरे भरोस्से कने से भविष्यवाणी करणा चाएदी जे गल्लां परमेश्वर ने तिसजो दस्से री हिन।

रोमियों 13:11

तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

रोमियों 6:6

किजोकी असी ए जाणदे कि असा रा पापी स्वभाव मसीह यीशु कने ही सुली पर चढ़ाई दित्तेया गेया थिया, ताकि असा रे सरीर बिच जे पापी स्वभाव है, से मुकी जाओ, ते असी अग्गे जो पाप रा गुलाम ना बणी रैह्ण।

1 तीमुथियुस 1:9

असी जाणदे कि मूसा रा कानून धार्मिक लोक्कां तांइ नी है बल्कि अधार्मिक लोक्कां ते परमेश्वर रे विद्रोही लोक्कां तांइ है, परमेश्वर जो ना मनणे वाले ते हमेसा पाप करणे वाले लोक्कां तांइ, दुष्ट लोक्कां ते परमेश्वर री बेजती करणे वाले लोक्कां तांइ, अपणे मां-प्यो ते दूए लोक्कां रे हत्यारेयां तांइ है,

2 तीमुथियुस 3:16

पवित्रशास्त्र बिच लिख्खे री हर इक्क गल्ल परमेश्वर रे पास्से का है, से लोक्कां जो सिखाणे, तिन्हा जो सही ते गलत रे बारे बिच दसणे, तिन्हेरी गलतियां सुधारणे ते तिन्हा जो सही कम्म करणे री शिक्षां दैणे बिच असा रे मददगार हिन।

याकूब 1:3

किजोकी तुसा जाणदे तुसा रे विश्वास रे परखे जाणे कने तुसा रा सबर बदधा।

2 पतरस 3:3

खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।