2 पतरस 1:19 - चम्बयाली नौआ नियम

¹⁹ इधेरे तांइ असी भविष्यद्वक्तां री बोल्ले री गल्लां बिच होर भी जादा हिम्मत रखदे। जे अगर तुसा इस बसेख पर ध्यान दिंगे ता से बड़ी बदिया गल्ल होणी, किजोकी ए इक्क दीये सांई है जे न्याहरे बिच तां तांइ चमकदी जां तांइ दिन नी आई जांदा ते मसीह री रौसनी तुसा रे दिल बिच नी चमकदी, बिल्कुल तिय्यां ही जिय्यां भ्याग्गे रा तारा इस दुनिया बिच रौसनी लांदा।

2 पतरस 1:19 ပူးပေါင်းရင်းမြစ်များ

मत्ती 4:16

जे मणू न्याहरे बिच जिया करदे थिये तिन्हा ने इक्क महान ज्योति दिख्खी, अते जे मणू मौत रे साये बिच रैह्‍न्दे थिये उन्हा पर से ज्योति चमकी।”

यूहन्ना 5:35

से तां बलदा कने चमकदा होया दीया है कने तुसा जो थोड़ी देर तक तिसेरी रौसनी बिच मस्त होणा ठीक लग्गेया

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

यूहन्ना 8:12

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

प्रेरितां रे कम्म 15:29

कि तुसा मूर्तां जो भेंट कित्ते री रोट्टी तुसा जो नी लैणी चाएदी ते व्यभिचार का बची रेंन गला घोटी करी मारे रे जानवर रा मांस ना खाण ते खून जो कदी ना खाण। इन्हा सबका दुर रेयो तां तुसा रा भला होणा, अग्गे बिदा।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

इब्रानियों 2:2

जे बसेख परमेश्वर ने स्वर्गदूतां रे जरिये असा जो दित्तेया थिया, से सच साबित होया, ते लोक्कां जो तिन्हेरे हुकमां री ना-फरमानी करणे तांइ, ते नियमां जो तोड़ने री सजा मिली।

याकूब 2:8

तां भी जे अगर तुसा पवित्रशास्त्र रे इस खास हुकम जो मनदे “तू अपणे पड़ोसी कने अप्पु सांई प्यार रख,” तां ठीक करदे।

1 पतरस 1:10

ए से ही अनुग्रह है जिसेरे बारे बिच भविष्यद्वक्तां होर भी जादा जाणना चाह्‍ंदे थिये। तिन्हा ने इस गल्ल री भविष्यवाणी कित्ती कि तुसा जो बचाणे तांइ परमेश्वर ने तुसा कने इन्नी करुणा करणे बर्ताव करणा जिसेरे तुसा काबिल भी नी थिये। तिन्हा ने जवाब तोपणे तांइ बड़े ध्यान कने खोज कित्ती थी।

1 यूहन्ना 5:10

ते जिन्ने मणू परमेश्वर रे पुत्तर बिच विश्वास रखदे से तिन्हेरी गवाई पर भी विश्वास रखदे, पर जिन्हा लोक्कां ने परमेश्वर ते तिन्हेरे पुत्तर री गवाई पर विश्वास नी कित्तेया, से मणू परमेश्वर जो झूठ्ठा बणांदे, किजोकी तिन्हा लोक्कां ने परमेश्वर री गवाई पर विश्वास नी कित्तेया जे परमेश्वर ने अपणे पुत्तर रे बारे बिच दित्ते री है।

3 यूहन्ना 1:6

तिन्हा बिच किच्‍छ विश्वासियां ने कलीसिया रे विश्वासियां जो तेरे बारे बिच दस्से रा है कि तू संगी विश्वासियां कने किन्ना जादा प्यार करदा। अवे मैं तेरे जो बोलदा कि जां से मणू कुसकी जगाह् बिच सफर करणे तांइ जांदे तां तेरे जो तिन्हा लोक्कां री तिन्हेरी जरुरत री चीजां देई करी मदद करदे रैह्णा चाएदा किजोकी इस कने परमेश्वर खुस हुंदे।

प्रकाशित वाक्य 2:28

मैं तिन्हा जो तिन्हेरी जीत दिखाणे तांइ भ्याग्गे रा सितारा भी दैणा।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।