2 पतरस 1:13 - चम्बयाली नौआ नियम

^13-14 असा रे प्रभु मसीह यीशु ने ए गल्ल मेरे पर जाहिर कित्ते री है कि मैं तौले मरी जाणा। इधेरे तांइ मेरे जो लगदा कि अब्बे रा समय मेरे तांइ बदिया है कि जां तिकर मैं जिन्दा है तां तांइ तुसा जो तिन्हा शिक्षां री याद दुआंदा रेयां।

2 पतरस 1:13 ပူးပေါင်းရင်းမြစ်များ

2 कुरुन्थियों 5:8

इस तांइ असी हिम्मत बणाई रखदे कि मरणे रे बाद सरीर जो छड्डी करी प्रभु कने रैह्णा होर भी जादा खरा समजदे।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

फिलिप्पियों 3:10

मैं ए चाह्‍ंदा कि मैं मसीह जो जाणी लेयां ते तिन्हेरी तिस मरे रे बिच का जी उठणे री ताकत रा अनुभव करां जिस कने से फिरी जिन्दे होई गे थिये, ते तिन्हेरे सांई दुख सैह्णे ते तिन्हेरे सांई बणने ते तिस्सी तरिक्के कने मरणे रे जरिये जिय्यां से मरे थिये।

2 तीमुथियुस 1:6

इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।

इब्रानियों 13:3

कैदी कने ऐसे पेश आओ कि तिन्हा जो लगे कि जिय्यां तुसा भी तिन्हा कने कैद हिन, ते जिन्हा कने बुरा बर्ताव कित्तेया जांदा, तिन्हा री इदेयी सुधी लेया करो कि जिय्यां तुसा अपणे सरीर बिच तिन्हेरा दर्द महसूस करदे।

2 पतरस 1:12

हालांकि तुसा इन्हा गल्लां जो पैल्ले का जाणदे, ते तिन्हा शिक्षां जो मन्नेया करदे हिन जे तुसा जो मणूआं ने सिखाई री है, मैं तुसा जो तिन्हेरी याद दुआंदा रैह्‍ंगा।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।