2 पतरस 1:11 - चम्बयाली नौआ नियम

¹¹ ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।

2 पतरस 1:11 ပူးပေါင်းရင်းမြစ်များ

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

यूहन्ना 10:10

चोर कुसकी होर कम्म तांइ नी पर सिर्फ चोरी करणे, ते मारणे, ते तबाह करणे तांइ आदां। मैं इस तांइ आया की ओ जिन्दगी पाण ते रज्जी करी पाण।

रोमियों 2:4

कै तुसा परमेश्वर री भलाई, सहनशीलता, ते सबर करणे रे धन्न जो बेकार समजदे? कै तू ए नी समजदा कि परमेश्वर री भलाई तुसा जो पाप्पां का तौबा करणे जो सिखांदी?

1 कुरुन्थियों 15:24

इसेरे बाद जां मसीह ने सारा किच्‍छ मुकाई दैणा, तां दुनिया रा खात्मा होई जाणा ते मसीह यीशु ने राज परमेश्वर पिता जो सौंप्पि दैणा।

2 कुरुन्थियों 5:1

जिय्यां कि असी जाणदे कि इस दुनिया बिच असा रा सरीर इक्क तम्बू सांई है जित्ते असी रैहन्दे। जां असी मरी जाणा तां असा जो परमेश्वर रे पास्से का स्वर्ग का इक्क इदेया सरीर मिलणा जे हत्थां रा बणे रा नी पर हमेसा तिकर रैह्णे वाला है।

इफिसियों 3:20

परमेश्वर असा रे मंगणे या सोचणे का भी बधी करी बड्डे कम्म करी सकदे किजोकी तिन्हेरी ताकत असा बिच कम्म करेया करदी है। कलीसिया ते यीशु मसीह बिच परमेश्वर जो हर पीढ़ी रे जरिये महिमा मिलदी रे।

1 तीमुथियुस 6:17

इस दुनिया रे अमीर लोक्कां जो हुकम दे कि से घमंडी ना होण ते अपणे तिस पैसे पर आस ना रख्खे जे इक्क दिन मुकी जाणा, पर परमेश्वर उम्मीद रख्खे, जे असा जो बड़ी दयालुता कने से सारी चीजां दिंदे जे असा का है ताकि असी तिन्हेरा लुफ्त लेई सके।

2 तीमुथियुस 4:18

ते प्रभु ने मेरे जो हर इक्क बुराई का बचाणा, ते तिन्हा ने मेरे जो स्वर्ग अंदर अपणे राज बिच सुरक्षित तौर पर पूजाणा। तिन्हेरी महिमा हमेसा-हमेसा तांइ हुंदी रेय। आमीन!

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

इब्रानियों 6:17

इधेरे तांइ परमेश्वर ने भी कसम खाई, किजोकी से लोक्कां जो दिखाणा चाह्‍ंदे थिये कि तिन्हा ने जे वादा कित्ते रा है, तिसजो उन्हा ने जरुर पूरा करणा।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

2 पतरस 1:5

किजोकी परमेश्वर बिच तुसा रा मकसद तिन्हा रे स्वभाव बिच हिस्सा लैणा है, इधेरे तांइ तुसा जो सिर्फ विश्वास ही नी करणा चाएदा पर तुसा जो दूज्जेयां कने भलाई करणे तांइ हमेसा भरपूर कोसीस करदे रैह्णा चाएदा। ते तुसा जो सिर्फ भलाई रे कम्म ही नी करणा चाएदे पर तुसा जो इदेय मणू भी बणना चाएदा जे मणू समजदारी कने रैह्णा जाणदे होण।

2 पतरस 2:20

मणू जां मसीह जो अपणे प्रभु ते छुटकारा दैणे वाले रे रुप बिच जाणी जांदे, तां से दुनिया री दुष्टता का बची जांदे। पर अवे दुबारा से मणू गलत कम्म करणे बिच शामिल होई गेरे हीन ते से गलत कम्म अवे तिन्हा जो चलांदे। इधेरे तांइ मसीह जो नक्कारी दैणे का बाद तिन्हेरी अब्बे री हालत तिस समय का जादा बुरी है जां से मसीह जो नी जाणदे थिये।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।

प्रकाशित वाक्य 5:10

तू तिन्हा जो इदेय मणूआं बिच बदली दित्ता जिन्हा पर परमेश्वर राज करदे, ते तिन्हा जो पुरोत्त बणाई दित्ता जे परमेश्वर री सेवा करदे, ते तिन्हा लोक्कां ने धरती पर राज करणा।