2 पतरस 1:10 - चम्बयाली नौआ नियम

¹⁰ इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।

2 पतरस 1:10 ပူးပေါင်းရင်းမြစ်များ

मत्ती 22:14

इस कहाणी सांई ही परमेश्वर ने मते लोक्कां जो सद्दे रा है पर किच्‍छ चुणे रे लोक्कां ने ही तिन्हा कने रैह्णा।

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

इब्रानियों 6:11

आलसी मत बणो, पर मेहनती लोक्कां सांई बणो, तुसा जो सबर ते विश्वास कने, परमेश्वर रे वादे जो हासिल करणे री आस बिच, आखरी समय तिकर ए ठीक कम्म करदे रैह्णा चाएदा।

इब्रानियों 6:19

ए आस जे असा का है ते कदी भी टुटी नी सकदी, ते असा जो परमेश्वर का दुर भटकणे नी दिंदी, पर ए असा जो परमेश्वर का मन्दिर बिच, स्वर्ग अंदर, सबका जादा पवित्र जगाह् पर पुजांदा।

याकूब 2:10

किजोकी जे कोई मूसा रे कानून रे इक्क भी हुकम जो मनणे बिच चुकी जाए तां से सारी हुकमां बिच गुनेह्गार ठैहरदा।

1 पतरस 1:2

पिता परमेश्वर ने तुसा जो अपणे मणू बणाणे ते पवित्रात्मा रे जरिये पवित्र ठैहराणे तांइ बड़े पैल्ले का ही चुनणे रा फैसला करी लित्तेया थिया। तिन्हा ने ए इधेरे तांइ कित्तेया ताकि तुसा मसीह यीशु रे कहे मुताबिक चलो ताकि तुसा तिन्हेरे सुली पर खून बहाणे रे जरिये सुच्चे कित्ते जाण। तुसा जो परमेश्वर रे पास्से का अनुग्रह ते सांती मिलदी रे।

1 पतरस 1:5

परमेश्वर अपणी महान ताकत कने तुसा जो सुरक्षित रखदे किजोकी तुसा मसीह बिच विश्वास करदे। तिन्हा ने तुसा जो अग्गे भी तां तांइ सुरक्षित रखणा जां तांइ मसीह यीशु हटी नी आंदे तां ही तुसा ने जाणना कि परमेश्वर ने तुसा जो पाप ते हमेसा री मौत का पूरे तरिक्के कने बचाए रा है।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

2 पतरस 1:5

किजोकी परमेश्वर बिच तुसा रा मकसद तिन्हा रे स्वभाव बिच हिस्सा लैणा है, इधेरे तांइ तुसा जो सिर्फ विश्वास ही नी करणा चाएदा पर तुसा जो दूज्जेयां कने भलाई करणे तांइ हमेसा भरपूर कोसीस करदे रैह्णा चाएदा। ते तुसा जो सिर्फ भलाई रे कम्म ही नी करणा चाएदे पर तुसा जो इदेय मणू भी बणना चाएदा जे मणू समजदारी कने रैह्णा जाणदे होण।

2 पतरस 3:14

इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।

2 पतरस 3:17

तुसा जो पैल्ले का पता है कि ए सब चीजां होणे वाली हिन। इधेरे तांइ चुकन्ने रेयो, किजोकी जे मणू कानूनां जो नी मनदे तिन्हा ने तुसा कने झूठ बोल्ली-बोल्ली करी तुसा जो भटकाई दैणा। तुसा ने तिस ही गल्ल पर शक करणा सुरु करी दैणा जिस पर तुसा इक्क समय पर पक्का विश्वास करदे थिये।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!

प्रकाशित वाक्य 22:14

धन्न है से, जे अपणे चोग्गे धोई लिंदे, किजोकी तिन्हा जो सहर रे दुआर का अंदर आणे रा हक दित्तेया जाणा। ते तिन्हा जो तिस बूट्टे रा फल्ल खाणे रा भी हक दित्तेया जाणा जिस जो खाणे कने हमेसा री जिन्दगी मिलदी।