2 यूहन्ना 1:6 - चम्बयाली नौआ नियम

⁶ परमेश्वर जो सच्चा प्यार करणे रा मतलब ए ही है कि असी अपणी जिन्दगी तिय्यां ही जिए जिय्यां कि परमेश्वर ने असा जो जीणे तांइ बोल्ले रा है। जिस बेल्ले का तुसा ने मसीह यीशु बिच विश्वास कित्ते रा है तुसा तिस्सी बेल्ले का सुणे रा है कि परमेश्वर रा ए हुकम है कि तुसा जो हमेसा इक्क-दूए कने प्यार रखणा चाएदा।

2 यूहन्ना 1:6 ပူးပေါင်းရင်းမြစ်များ

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 14:21

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

1 यूहन्ना 2:24

जे सच्चाई रा बसेख तुसा ने मसीह बिच विश्वास करणे री सुरुआत रे समय बिच सुणे रा थिया, जे अगर से तुसा बिच बणे रा रे तां तुसा भी पुत्तर बिच ते पिता परमेश्वर बिच बणे रैहन्गे।

1 यूहन्ना 2:5

पर जे कोई परमेश्वर पिता रे वचन जो मनदा, तां तिस बिच हकीकत अंदर परमेश्वर रा प्यार सिद्व होए रा है इसी कने असी जाणदे कि असी तिन्हेरे बिच हिन:

1 यूहन्ना 2:7

ओ प्यारे विश्वासियों, मैं तुसा जो कोई नौआ हुकम नी लिख्येया करदा है, पर से ही पुराणा हुकम जे सुरुआत का तुसा जो मिल्ले रा है। ए पुराणा हुकम से ही वचन है जिस जो तुसा तां सूणेया थिया जां तुसा मसीह यीशु बिच विश्वास कित्ता थिया।

1 यूहन्ना 5:15

जां असी जाणदे कि, जे किच्‍छ असी परमेश्वर का मंगदे तां से असा री सूणदा, तां ए भी जाणदे कि जे किच्‍छ भी असा तिसका मंगेया, से असा जो मिल्लेया भी।

1 यूहन्ना 5:3

परमेश्वर कने प्यार करणे रा मतलब ए है कि असी तिन्हेरे हुकमां जो मन्ने ते तिन्हेरे हुकम मुस्किल नी हिन।

2 यूहन्ना 1:5

अते अवे ओ जनानिये, मैं तुसा जो जोर पाई करी बोलदा कि असा जो आपस बिच प्यार रखणा चाएदा। ए कोई नौआ हुकम नी है पर ए से ही हुकम है जे असा जो तां मिल्ली थी जां असा ने मसीह यीशु बिच विश्वास करणा सुरु कित्तेया थिया।