2 यूहन्ना 1:4 - चम्बयाली नौआ नियम

⁴ मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।

2 यूहन्ना 1:4 ပူးပေါင်းရင်းမြစ်များ

1 कुरुन्थियों 13:6

जां मणू गलत कम्म करदे तां से बड़े दुखी हुंदे, पर से मणू तां बड़े खुस हुंदे जां मणू ठीक कम्म करदे।

गलातियों 2:14

पर जां मैं ए दिख्खेया कि से मणू तिस सच्चाई रे हिसाब कने नी चलेया करदे हिन जे सुब बसेख सिखांदी तां मैं लोक्कां रे सामणे पतरस जो बोल्लेया, जां तू यहूदी होई करी भी गैर यहूदी लोक्कां सांई जिन्दगी जिंदा, तां फिरी किजो गैर यहूदी लोक्कां कने यहूदियां सांई जीणे तांइ जबरदस्ती करेया करदा है?

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

फिलिप्पियों 4:10

मैं परमेश्वर री वजह कने बड़ा खुस है की अवे इन्ने दिनां रे बाद तुसा ने फिरी मेरे जो याद करी के मेरे तांइ दान भेज्जेया; पक्का ही तुसा जो सुरु बिच भी इसेरा अदांजा थिया, पर तुसा जो मौक्का नी मिल्लेया।

1 यूहन्ना 2:6

जे अगर कोई ए बोलदा की मैं परमेश्वर बिच बणी रैहन्दा, तां तिस तांइ जरुरी है कि तदेई ही जिन्दगी जिये जदेई जिन्दगी मसीह यीशु जिन्दे थिये।