2 यूहन्ना 1:12 - चम्बयाली नौआ नियम

¹² होर भी मती सारी गल्लां हिन जे मैं तुसा जो दसणा चाह्‍ंदा पर मैं तुसा जो से गल्लां इय्यां चीठ्ठी बिच लिख्खी करी नी बोलणा चाह्‍ंदा। मैं चाह्‍ंदा कि तित्ते तुसा का आई करी तुसा कने आमणे सामणे गल्ल करां, ताकि असी अप्पु-मिते खुसी मनाई सकण।

2 यूहन्ना 1:12 ပူးပေါင်းရင်းမြစ်များ

यूहन्ना 15:11

मैं ए गल्लां तुसा रे कने इधेरे तांइ बोल्ली ताकि तुसा जो मेरे सांई भरपुरी कने खुसी मिल्ले।

यूहन्ना 16:12

मेरे जो तुसा कने होर भी मती सारी गल्लां करणे जो हिन, पर हल्ले तुसा उन्हा जो सैह्‍ण नी सकदे।

यूहन्ना 16:24

हल्ले तांइ तुसा मेरे नां कने किच्‍छ भी नी मंगेया: मंगो, अते तुसा जो मिल्ली जाणा, ताकि तुसा खुस होई जाओ।

यूहन्ना 17:13

अवे मैं तुसा रे का आया करदा है, पर ए गल्लां मैं दुनिया रे लोक्कां बिच रेह्ई करी बोल्लेया करदा है, ताकि से मणू मेरी खुसी कने पूरी तरिक्के कने भरी जाण।

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

रोमियों 15:24

इधेरे तांइ जिस बेल्ले मैं स्पेन देस जो जाणा, तां तुसा का हुंदे होए जांगा। किजोकी मेरे जो आस है कि तिस सफर बिच तुसा कने मैं मिली लेयां, ते तुसा री संगत रा आनंद लैणे का बाद, मैं चाह्‍ंदा तुसा मेरे जो अग्गे रे सफर तांइ मेरी थोड़ी मदद करी देयो।

2 तीमुथियुस 1:4

मेरे जो हल्ले भी याद है कि तुसा किय्यां रोये थिये जां मेरे जो तुसा का अलग होई करी जाणा पेया थिया ते मैं तुसा कने फिरी मिलणा चाह्‍ंदा किजोकी तिस कने मेरे जो बड़ी खुसी मिलणी।

फिलेमोन 1:22

ते इक्क होर गल्ल कि अपणे घर बिच मेरे तांइ इक्क कमरा तैयार करी रख्खो किजोकी मेरे जो इस गल्ल री उम्मीद है कि परमेश्वर ने तुसा री प्रार्थनां रा जवाब दैणा ते मेरे जो तित्ते आई करी तुसा कने मिलणे रा मौक्का मिलणा।

इब्रानियों 13:19

प्रार्थना करणे तांइ मैं तुसा जो होर जादा प्रोत्साहित करदा, ताकि मैं तुसा का तौले आई सकां।

इब्रानियों 13:23

तुसा इस गल्ल जो जाणदे कि तीमुथियुस असा रा विश्वासी भ्याल जेल का छुटी गे रा है, जे अगर से तौले आंदा, तां मैं तिस कने तुसा कने मिलणे जो आणा।

1 यूहन्ना 1:4

असी इन्हा गल्लां जो तुसा तांइ इधेरे तांइ लिख्खेया करदे हिन ताकि तुसा री खुसी पूरी होई जाओ।

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।