2 कुरुन्थियों 9:7 - चम्बयाली नौआ नियम

⁷ हर इक्क मणू जदेया से अपणे मन बिच पक्का करी लेयो तदेया ही दान करो। ना ता कुढ़ी-कुढ़ी करी ते नां ही कुसकी दवाब री वजह कने से दान करो, किजोकी परमेश्वर खुसी कने दान दैणे वालेयां कने प्यार करदे हिन।

2 कुरुन्थियों 9:7 ပူးပေါင်းရင်းမြစ်များ

प्रेरितां रे कम्म 20:35

मैं तुसा जो सब किच्‍छ करी के दस्सेया कि इस तरिक्के कने मैह्नत करी के कमजोर मणूआं जो सम्भालणा ते प्रभु यीशु रे वचनां जो याद रखणा जरुरी है, जे तिन्हा ने अप्पु ही बोल्ले रा है, लैणे का दैणा धन्न है

रोमियों 12:8

जे अगर कुसकी जो लोक्कां प्रोत्साहित करणे रा वरदान मिल्ले रा हो, तां से लोक्कां जो प्रोत्साहित करणे बिच लग्गी रेयो। जिस जो दान दैणे रा वरदान मिल्ले रा हो, ता से खुले मन कने दान दे। जिस जो लोक्कां री अगुवाई करणे रा वरदान मिल्ले रा हो, से पूरी मैहनत कने लोक्कां री अगुवाई करे। जिस जो दया करणे रा वरदान मिल्ले रा हो, से खुसी कने करेया करे।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।

याकूब 5:9

ओ संगी विश्वासियों, इक्क दूज्जे पर मत कुड़कुड़ाओ, ताकि परमेश्वर जे हाकिम है तुसा जो सजा ना दे, ते से अवे बड़े नेड़े है ते वस पुजणे ही वाला है।

1 पतरस 4:9

बगैर बुड़बुड़ाए मेहमान्नां जो अपणे घरे रुकाओ ते तिन्हेरी खात्तरदारी करेया करो।