2 कुरुन्थियों 9:6 - चम्बयाली नौआ नियम

⁶ पर गल्ल इदेयी है: कि जिन्ने घट्ट बाणा, तिनिए घट्ट ही कटणा है ते जे जादा बांदा, तिनिए मता बडणा।

2 कुरुन्थियों 9:6 ပူးပေါင်းရင်းမြစ်များ

लूका 6:38

दूज्जेयां जो देया करो, तां तुसा जो भी दित्तेया जाणा, मणूआं ने पूरा नाप्पी करी अते जिक्की-जिक्की करी ते हिलाई-हिलाई करी अते उछलदा-उछलदा तुसा री खोख्खा बिच पाणां, किजोकी जिस नाप कने तुसा नापदे, तिस्सी नाप कने तुसा तांइ भी नाप्पेया जाणा

1 कुरुन्थियों 1:12

मेरे बोलणे रा मतलब ए है कि तुसा बिच का कोई बोलदा, मैं पौलुस रे सिखाए चलदा, ते कोई बोलदा कि मैं अपुल्लोस रे सिखाए चलदा, ते कोई बोलदा कि मैं पतरस रे सिखाए चलदा, ते कोई बोलदा कि मैं मसीह यीशु सिखाए चलदा।

1 कुरुन्थियों 15:20

पर हकीकत बिच परमेश्वर ने मसीह यीशु जो मुर्देयां बिच का जिन्दा करी दित्ता, ते मसीह इस गल्ल रा सबूत हिन कि जिन्ने भी विश्वासी मणू मरी गेरे हिन तिन्हा ने उन्हा सारेयां जो जिन्दा करी दैणा।

1 कुरुन्थियों 7:29

ओ संगी विश्वासियों, मैं ए बोलदा कि असा का इस दुनिया बिच जादा समय नी है, इधेरे तांइ जरुरी है कि से ब्याह होणे रे बावजूद भी परमेश्वर री सेवा इय्यां करण कि जिय्यां से हल्ले भी कुंवारे हिन।

2 कुरुन्थियों 9:10

किजोकी परमेश्वर ही हिन जे किसान जो बाणे तांइ बीह् ते तिसेरे जरिये रोट्टी भी उपलब्ध करांदे। तिस्सी तरिक्के कने, तिन्हा ने तुसा जो साधन उपलब्ध कराणे ते तिन्हा जो बधाणा ते तुसा बिच का उदारता री फसल जो कटणा।

2 कुरुन्थियों 9:5

इधेरे तांइ मैं विश्वासी भ्यालां का छंदे करणा जरुरी समजेया, कि से पैल्ले का ही तुसा का जाण, ते तुसा रे उदारता रे भाव जिसेरे बारे बिच पैल्ले का दस्सेया गेया थिया, तैयार करी रखण, कि ए दवाब कने नी पर उदारता रे भाव का ही तैयार होण।

गलातियों 3:17

मेरे बोलणे रा मतलब ए है कि परमेश्वर ने अब्राहम कने वाचा बन्नी, इधेरे तांइ जे कानून परमेश्वर ने मूसा जो चार सौ तीह् साल्लां बाद दित्तेया थिया, से तिस वाचा जो नी तोड़ी सकदा ते तिस वादे जो नक्कारी नी सकदा।

गलातियों 5:16

पर मैं तुसा जो बोलदा कि पवित्रात्मा रे कहे मुताबिक चलो, तां तुसा कुसकी भी तरिक्के कने सरीर री बुरी इच्छा जो पूरा करणे रा मौक्का नी दैणा।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

कुलुस्सियों 2:4

ए मैं इस तांइ बोलदा की कोई मणू तुसा जो गलत शिक्षा सिखाई करी धोखा ना दे।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।