2 कुरुन्थियों 9:3 - चम्बयाली नौआ नियम

³ पर मैं तीतुस ते होर दो विश्वासी भ्यालां जो इधेरे तांइ भेज्जेया करदा है, ताकि तुसा पर असा रा गर्व इस गल्ल बिच बेकार ना जाओ, पर जिय्यां मैं बोल्ले रा है तिय्यां ही तुसा यरुशलेम सहर रे विश्वासियां री आर्थिक रुप बिच सेवा करणे तांइ तैयार रेयो।

2 कुरुन्थियों 9:3 ပူးပေါင်းရင်းမြစ်များ

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

2 कुरुन्थियों 8:6

इधेरे तांइ असा ने तीतुस जो समजाया कि जिय्यां तिनिये पैल्ले सुरु कित्तेया थिया तिय्यां ही इस दान रे कम्म जो तुसा रे बिच मझाटे पूरा भी करी लै।

तीतुस 3:1

विश्वासी लोक्कां जो समझा कि से हाकिमां ते अधिकारियां री इज्जत करण, ते तिन्हेरे हुकमां जो मनण, ते हर इक्क मणू दुज्जेया तांइ ठीक कम्म करणे तांइ हर बेल्ले तैयार रे।