2 कुरुन्थियों 9:2 - चम्बयाली नौआ नियम

² किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

2 कुरुन्थियों 9:2 ပူးပေါင်းရင်းမြစ်များ

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

प्रेरितां रे कम्म 24:17

मते साल्लां बाद मैं अपणे लोक्कां जो दान दैणा, ते परमेश्वर जो भेंट चढ़ाणे तांइ यरुशलेम सहर बिच आया थिया।

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

2 कुरुन्थियों 8:10

इस गल्ल पर तुसा तांइ मेरी ए ही सलाह है कि ए ठीक गल्ल होणी कि जे तुसा इक्क साल पैल्ले सुरु कित्तेया थिया, तिस कम्म जो पूरा करो। पिछले साल तुसा पैल्ले मणू थिये जे दान दैणा चाह्‍ंदे थिये, ते तुसा मणू ही पैल्ले हिन जिन्हा ने दान दैणा सुरु भी कित्तेया थिया।

2 कुरुन्थियों 8:11

अवे तुसा जो से कम्म पूरा करणा चाएदा जे तुसा सुरु कित्तेया थिया। सुरुआत बिच तुसा री गरीब विश्वासियां जो दान दैणे री इच्छा थी, से अब्बे तुसा रे दान दैणे कने दिसणी भी चाएदी। अपणी कमाई रे हिसाब कने दान देयो।

2 कुरुन्थियों 8:19

ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।

2 कुरुन्थियों 8:24

इधेरे तांइ तुसा तिन्हा पर अपणा प्यार ज़ाहिर करो ते तुसा पर असा रे गर्व जो कलीसिया रे सारे विश्वासियां रे सामणे सच्चा साबित करी देयो।

2 कुरुन्थियों 8:8

मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।

1 थिस्सलुनीकियों 1:7

इसी तरिक्के कने तुसा मकिदुनिया प्रदेश अते अखाया प्रदेश रे विश्वासियां तांइ मिसाल बणी गे।

इब्रानियों 10:24

ते असा जो इक्क दूए तांइ फिकरमंद होणा चाएदा, कि असी इक्क-दूए जो प्यार दिखाए ते इक्क-दूए कने भलाई करण।