2 कुरुन्थियों 9:15 - चम्बयाली नौआ नियम

¹⁵ आओ असी परमेश्वर रा तिन्हेरे पुत्तर जो इक्क दान रे स्वरूप बिच दैणे तांइ तिन्हेरा शुकर करण, जिसेरा कोई ज़िकर नी करी सकदा।

2 कुरुन्थियों 9:15 ပူးပေါင်းရင်းမြစ်များ

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

लूका 2:38

जां से मणू मन्दिर बिच ही थिये, तां हन्ना तिन्हा लोक्कां का आई, ते परमेश्वर री महिमा करणा लग्गी, ते तिसने लोक्कां जो तिस मुंडे रे बारे बिच दसणा लग्गी जे मणू तिस मसीह रे इंतजार बिच थिये जिस जो ने भेज्जी करी यरुशलेम रे लोक्कां जो छुटकारा दैणा।

यूहन्ना 1:16

तिन्हा री अनुग्रह री भरपुरी बिच का असी तिन्हा का इक्क का बाद इक्क मती सारी आशीषां हासिल कित्ती।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

रोमियों 5:15

पर आदम रे पाप ते परमेश्वर रे अनुग्रह रे दान बिच बड़ा बड्डा फर्क है। किजोकी आदम रे पाप करणे री वजह कने मते लोक्कां बिच मौत फैल्ली गयी। पर तिसका जादा बधी करी मसीह यीशु रे जरिये मते लोक्कां जो परमेश्वर रा बड़ा अनुग्रह ते धार्मिकता रा दान मिल्लेया।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

रोमियों 8:32

परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

1 कुरुन्थियों 15:57

पर परमेश्वर रा शुक्रिया हो, कि से असा जो पाप ते मौत पर मसीह यीशु रे कित्ते रे कम्म रे जरिये जीत दुआंदे।

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 9:11

तुसा ने हर तरिक्के कने आशीष पाणी, ते तिस्सी कने ही तुसा उदारता कने दान दैणे रे जोग्गे भी बणना। ते जां असी तुसा रे उदार दान जो जरुरतमंद लोक्कां तिकर पूजाणा, तां तिन्हा लोक्कां ने परमेश्वर रा शुकर करणा।

2 कुरुन्थियों 9:14

ते तिन्हा ने तुसा तांइ परमेश्वर का प्रार्थना करणी। से तुसा जो प्यार करदे किजोकी से जाणदे कि परमेश्वर ने तुसा पर बड़ा अनुग्रह ते आशीष दित्ते री है।

इफिसियों 5:20

ते हमेसा सारी गल्लां तांइ असा रे प्रभु यीशु मसीह रे नां कने परमेश्वर पिता रा शुकर करदे रेया करो।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

प्रकाशित वाक्य 4:9

सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,