2 कुरुन्थियों 9:12 - चम्बयाली नौआ नियम

¹² किजोकी इस सेवा जो पूरा करणे कने ना सिर्फ गरीब विश्वासियां री जरुरतां पूरी हुंदी, पर मणूआं रे पास्से का परमेश्वर रा भी बड़ा शुकर कित्तेया जान्दा

2 कुरुन्थियों 9:12 ပူးပေါင်းရင်းမြစ်များ

2 कुरुन्थियों 1:11

तुसा जो भी प्रार्थना करी असा री मदद करणा चाएदी, ताकि मते मणू असा रे पास्से का तिन्हा आशीषां तांइ परमेश्वर रा शुकर करण जे परमेश्वर ने असा जो मती प्रार्थनां जो सुणी करी दित्ते री हिन।

2 कुरुन्थियों 1:5

किजोकी असी जिन्ना जादा मसीह यीशु तांइ जुल्म सैह्‍ंदे, परमेश्वर तिन्ना ही जादा मसीह यीशु रे जरिये असा जो तसल्ली दिंदे।

2 कुरुन्थियों 8:4

तिन्हा ने असा का बड़ी जादा बिनती कित्ती ताकि यरुशलेम सहर रे विश्वासियां तांइ दान दैणे ते सेवा करणे रे सौभाग्य बिच हिस्सेदार बणी सकण।

2 कुरुन्थियों 9:1

अवे यरुशलेम रे विश्वासियां री आर्थिक रुप बिच सेवा करणे रे बारे बिच मेरे जो तुसा तांइ लिखणे री जरुरत नी है।

फिलिप्पियों 2:25

पर मैं इपफ्रुदीतुस जो जे तुसा का भेजणा जरुरी समजेया, जे मेरा विश्वासी भाई, ते मसीह रा सुब बसेख सुनाणे बिच मेरा साथी है। से इक्क सिपाई सांई है जे मेरे कने तिन्हा लोक्कां रे खिलाफ खड़ित्तेया जे मसीह रे बसेख रे खिलाफ हिन, तुसा रा दूत भी है। जरुरी गल्लां बिच मेरी सेवा करणे वाला भी है।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।