2 कुरुन्थियों 8:8 - चम्बयाली नौआ नियम

⁸ मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।

2 कुरुन्थियों 8:8 ပူးပေါင်းရင်းမြစ်များ

रोमियों 12:9

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

1 कुरुन्थियों 7:12

बाकि विश्वासियां जो प्रभु नी पर मैं बोल्लेया करदा है कि जे कुसकी संगी विश्वासी री लाड़ी प्रभु पर विश्वास ना करदी हो पर अपणे लाड़े कने रैह्णे बिच कने खुस हो, तां से लाड़ा तिसजो तलाक ना दे।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

1 कुरुन्थियों 7:6

पर मैं तुसा जो दस्सी दिंदा कि ए सिर्फ इक्क सुझाव है ना कि कोई हुकम।

2 कुरुन्थियों 8:10

इस गल्ल पर तुसा तांइ मेरी ए ही सलाह है कि ए ठीक गल्ल होणी कि जे तुसा इक्क साल पैल्ले सुरु कित्तेया थिया, तिस कम्म जो पूरा करो। पिछले साल तुसा पैल्ले मणू थिये जे दान दैणा चाह्‍ंदे थिये, ते तुसा मणू ही पैल्ले हिन जिन्हा ने दान दैणा सुरु भी कित्तेया थिया।

2 कुरुन्थियों 8:24

इधेरे तांइ तुसा तिन्हा पर अपणा प्यार ज़ाहिर करो ते तुसा पर असा रे गर्व जो कलीसिया रे सारे विश्वासियां रे सामणे सच्चा साबित करी देयो।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

2 कुरुन्थियों 9:7

हर इक्क मणू जदेया से अपणे मन बिच पक्का करी लेयो तदेया ही दान करो। ना ता कुढ़ी-कुढ़ी करी ते नां ही कुसकी दवाब री वजह कने से दान करो, किजोकी परमेश्वर खुसी कने दान दैणे वालेयां कने प्यार करदे हिन।

इफिसियों 4:15

प्यार कने सच बोलणे रे जरिये असा जो हर इक्क गल्ल बिच मसीह यीशु सांई बणने तांइ पकदे जाणा चाएदा, जे असा रे प्रधान हिन।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

इब्रानियों 10:24

ते असा जो इक्क दूए तांइ फिकरमंद होणा चाएदा, कि असी इक्क-दूए जो प्यार दिखाए ते इक्क-दूए कने भलाई करण।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।