2 कुरुन्थियों 8:7 - चम्बयाली नौआ नियम

⁷ इधेरे तांइ जिय्यां तुसा हर गल्ल बिच, मतलब भरोस्से, शिक्षा, ज्ञान ते हर तरिक्के री मैहनत बिच, ते असा कने प्यार रखणे बिच होर भी जादा बदधे जांदे, तिय्यां ही गरीब विश्वासियां जो दान दैणे रे कम्म बिच भी बदधे जाओ।

2 कुरुन्थियों 8:7 ပူးပေါင်းရင်းမြစ်များ

मत्ती 25:22

अते जिस जो दो तोड़े मिल्ले थिये तिसने भी आई करी बोल्लेया, मालक, तुसा मेरे जो जे दो तोड़े दित्ते थिये, मैं दो तोड़े होर कमाए हिन।

रोमियों 15:14

ओ मेरे संगी विश्वासियों, मैं अप्पु ही तुसा रे बारे बिच पक्के तरिक्के कने जाणदा, कि तुसा अप्पु भी भलाई कने भरपूर हिन, ते जे गल्लां परमेश्वर जे तुसा का चाह्‍ंदे, तिन्हा जो जाणदे, ताकि इक्क दूए जो सिखाई सको।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 12:8

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 13:8

इदेया समय भी आणा जां लोक्कां ने ना ता परमेश्वर रे बसेख री गल्ल करणी ते ना ही बखरी-बखरी भाषां बिच गल्लां करणी, परमेश्वर रे बारे बिच गहरे ज्ञान री भी जरुरत नी रैह्णी पर प्यार हमेसा तांइ रैह्णा।

1 कुरुन्थियों 14:12

इधेरे तांइ तुसा भी जां आत्मिक वरदानां री धुन बिच हिन तां ए कोसीस करो कि इन्हा वरदान्नां री वजह कने पूरी कलीसिया रे तरक्की हो।

1 कुरुन्थियों 4:7

किजोकी तेरे बिच ते दूए बिच कुण फरक करी सकदा, तेरे का अपणा कै है जे तिज्जो दित्तेया ही नी गेया? अते जां तिज्जो सब किच्‍छ कुसकी का मिल्ले रा है, तां फिरी तू इय्यां घमंड किय्यां करी सकदा कि जिय्यां तिज्जो मिल्लेया ही नी?

2 कुरुन्थियों 7:7

ते तिसेरे आणे कने मेरे जो तिन्नी तसल्ली मेरे जो नी, जिन्नी तसल्ली मेरे जो तां मिल्ली जां तिनिये मेरे जो दस्सेया कि तुसा मेरे तांइ किन्ने फिकरमंद थिये ते तुसा जो मेरा बड़ा चाह होए रा थिया, ते तुसा जो असा री मुसीबतां रे बारे बिच जाणी करी किन्ना जादा दुख होया थिया।

2 कुरुन्थियों 8:6

इधेरे तांइ असा ने तीतुस जो समजाया कि जिय्यां तिनिये पैल्ले सुरु कित्तेया थिया तिय्यां ही इस दान रे कम्म जो तुसा रे बिच मझाटे पूरा भी करी लै।

2 कुरुन्थियों 9:14

ते तिन्हा ने तुसा तांइ परमेश्वर का प्रार्थना करणी। से तुसा जो प्यार करदे किजोकी से जाणदे कि परमेश्वर ने तुसा पर बड़ा अनुग्रह ते आशीष दित्ते री है।

2 कुरुन्थियों 9:8

ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।

इफिसियों 4:29

कोई गंदी गल्ल तुसा रे मुँह का ना निकले पर जे भी तुसा बोल्लो से गल्ल ठीक ते दूज्जेयां तांइ मददगार हो ताकि सुनणे वालेयां जो सुणी करी होंसला मिल्ले।

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।

फिलिप्पियों 1:9

मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

2 तीमुथियुस 2:1

इधेरे तांइ ओ मेरे पुत्तर तीमुथियुस, होंसला रख, किजोकी तू जाणदा कि परमेश्वर ने तेरे जो से अनुग्रह दित्ते रा है जे सिर्फ मसीह कने रिस्ता बणाणे रे जरिये मिलदी।

इब्रानियों 12:28

इधेरे तांइ असा जो जे राज मिल्ले रा है, तिसजो हिलाया नी जाई सकदा। असी परमेश्वर रे अनुग्रह री वजह कने तिन्हेरा शुकर करण, जिस कने असा री भक्ति ते डर कने परमेश्वर री इदेइ अराधना करण जिस कने से खुस हुदें।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

प्रकाशित वाक्य 3:17

तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।