2 कुरुन्थियों 8:4 - चम्बयाली नौआ नियम

⁴ तिन्हा ने असा का बड़ी जादा बिनती कित्ती ताकि यरुशलेम सहर रे विश्वासियां तांइ दान दैणे ते सेवा करणे रे सौभाग्य बिच हिस्सेदार बणी सकण।

2 कुरुन्थियों 8:4 ပူးပေါင်းရင်းမြစ်များ

मत्ती 10:42

जे कोई मेरे इन्हा भोले-भाले चेल्‍लेयां जो इक्क गलास ठण्डा पाणी पीणे जो दे कि से मेरा चेल्ला है, तां मैं तुसा रे कने सच्ची बोलदा कि तिसजो इधेरा ईनाम मिलणा ही मिलणा।

मत्ती 12:50

किजोकी जे कोई मेरे परम-पिता री जे स्वर्ग बिच हिन मर्जी पूरी करदा, सेह्ई मेरा भाई, भैण अते मेरी मां है।

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मरकुस 14:7

गरीब तुसा कने हमेसा रैह्‍न्दे, अते तुसा जे चाह्‍ण, तिन्हा तांइ खरा करी सकदे पर मैं तुसा कने हमेसा नी रैह्णा।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 24:17

मते साल्लां बाद मैं अपणे लोक्कां जो दान दैणा, ते परमेश्वर जो भेंट चढ़ाणे तांइ यरुशलेम सहर बिच आया थिया।

रोमियों 15:31

ताकि परमेश्वर मेरे जो यहूदिया प्रदेश रे अविश्वासी लोक्कां का बचाई रख्खे, ते यरुशलेम सहर बिच रैह्णे वाले पवित्र मणू, तिस आर्थिक मदद जो पाणे का बाद खुस होई जाण, जे मैं तिन्हा का लेई जाया करदा है।

1 कुरुन्थियों 16:1

अवे मैं तिस आर्थिक मदद रे बारे बिच जे परमेश्वर रे गरीब लोक्कां तांइ कठेरेया गेया थिया, जे हुकम गलातिया प्रदेश रे कलीसिया रे विश्वासियां जो दित्तेया थिया, तिय्यां ही तुसा भी करो!

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

2 कुरुन्थियों 9:1

अवे यरुशलेम रे विश्वासियां री आर्थिक रुप बिच सेवा करणे रे बारे बिच मेरे जो तुसा तांइ लिखणे री जरुरत नी है।

गलातियों 2:10

तिन्हा ने असा कने वस इक्क ही गल्ल री बिनती कित्ती कि असी यरुशलेम रे गरीब विश्वासियां री मदद करण, ते मैं इस कम्म जो न सिर्फ करणा चाह्‍ंदा थिया बल्कि मैं बड़ा खुस भी होया।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।