2 कुरुन्थियों 8:3 - चम्बयाली नौआ नियम

³ तिन्हेरे बारे बिच मेरी ए गवाई है, कि तिन्हा ने अपणी फिकर नी कित्ती, ते तिन्हा ने उन्ना दित्ता जिन्ना से देई सकदे थिये, बल्कि तिन्हा ने अपणी पोह्‍ंच का भी जादा खुले मन कने दान दित्ता।

2 कुरुन्थियों 8:3 ပူးပေါင်းရင်းမြစ်များ

मरकुस 14:8

जे किच्‍छ भी ए करी सकदी थी, तिसने कित्ता, तिसने मेरे दब्बे जाणे री तयारी बिच पैल्ले आई करी मेरे जिस्म बिच तेल मलेया।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

रोमियों 10:2

किजोकी मैं गवाई दिंदा कि तिन्हा लोक्कां बिच परमेश्वर तांइ जोस है, पर से मणू ए नी समजदे कि परमेश्वर री सेवा कुस तरिक्के कने करणी चाएदी।

1 कुरुन्थियों 16:2

हफ्ते रे पैल्ले दिन तुसा बिच हर इक्क जणा अपणी-अपणी कमाई बिच का किच्‍छ अप्पु का जमा करी रख्खे ताकि मेरे आणे का बाद दान ना कठेरणा पेयो।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

गलातियों 4:15

तिस बेल्ले ता तुसा बड़े खुस थिये पर अवे तुसा री से खुसी कुते गई? मेरे जो इस गल्ल रा पक्का पता है कि तुसा मेरे तांइ किच्‍छ भी करी सकदे थिये, ते जे अगर मुमकिन हुंदा तां तुसा अपणी हाख्खियां भी मेरे तांइ देई दिंदे।

फिलिप्पियों 2:13

किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

कुलुस्सियों 4:13

मैं तिसेरा गवाह है कि से लौदीकिया सहर अते हियरापुलिस सहर रे रैह्णे वाले लोक्कां तांइ बड़ी लगन कने प्रार्थना करदा रैहन्दा ते तिसने तुसा तांइ बड़ी कड़ी मैहनत भी कित्ते री है।

1 थिस्सलुनीकियों 2:8

ते तिय्यां ही असी तुसा री चाहत करदे होए, ना सिर्फ परमेश्वर रा सुब बसेख पर अपणी जान भी तुसा जो दैणे तांइ तैयार थिये, इस तांइ किजोकी तुसा जो बड़ा प्यार करदे थिये।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।