2 कुरुन्थियों 8:21 - चम्बयाली नौआ नियम

²¹ किजोकी असी तिन्हा गल्लां री फिकर करदे जे गल्लां सिर्फ प्रभु रे ही सामणे नी, पर लोक्कां रे सामणे भी भली हिन।

2 कुरुन्थियों 8:21 ပူးပေါင်းရင်းမြစ်များ

मत्ती 23:5

से ठीक कम्म इधेरे तांइ करदे कि मणू उन्हा जो दिखण, से पवित्रशास्त्र रे लिख्खे री वचनां री लम्बी-लम्बी पट्टियां अपणे जिस्म पर बन्नी करी फिरदे, अते अपणे कपड़ेयां री झालरां जो बड़ा बड्डा करदे।

मत्ती 5:16

इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

मत्ती 6:1

यीशु ने अपणे उपदेस जो जारी रखदे होए तिन्हा लोक्कां जो बोल्लेया “सावधान रेयो! तुसा मणूआं जो दसणे तांइ भलाई रे कम्म मत करो, नी तां तिज्जो अपणे स्वर्ग अन्दर रैह्णे वाले पिता का कोई ईनाम नी मिलणा।

मत्ती 6:4

ताकि जे दान तू दित्ता से कुसकी जो पता ना लग्गे अते तेरा से परम-पिता जे तिज्जो लुकी करी दिखदा, तिन्हा ने तिज्जो उधेरा ईनाम दैणा।”

रोमियों 12:17

बुराई रे बदले कुसकी कने बुराई मत करो, जे गल्लां सबणी मणूआं तांइ भली हो, तिन्हेरा ध्यान रख्खेया करो।

रोमियों 14:18

जे कोई इस तरिक्के कने मसीह यीशु री सेवा करदा, से परमेश्वर जो खुस करदा, ते मणू भी तिसेरा आदरमान करदे।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

2 कुरुन्थियों 8:20

असी तीतुस कने इक्क होर विश्वासी भ्याल जो भेज्जी करी इस गल्ल री सावधानी बरतेया करदे हिन, कि इस उदारता रे कम्म रे बारे बिच जिसेरी सेवा असी करदे, कोई असा पर इल्जाम ना लाई सके।

2 कुरुन्थियों 8:22

असा ने तिन्हा कने अपणे तिस विश्वासी भ्याल जो भी भेज्जेया करदे हिन, जिस जो असा ने घड़ी-घड़ी परखी करी बड़ी गल्लां बिच हिम्मत वाला पाया, पर अवे तुसा पर तिसजो बड़ा विश्वास है, इस वजह कने से अवे होर भी जादा हिम्मत वाला है।

फिलिप्पियों 4:8

इस तांइ ओ संगी विश्वासियों, जे गल्लां सच हिन, ते जे गल्लां आदरणीय हिन, ते जे गल्लां सही हिन ते जे गल्लां पवित्र हिन ते, जे गल्लां सोह्णि हिन, ते जे गल्लां दिलां जो भाणे वाली हिन, ते आखिरकार जे ठीक गुण ते तारिफ रे जोग्गे हिन, तिन्हा पर ध्यान लाया करो।

1 थिस्सलुनीकियों 5:22

हर तरिक्के री बुराई का बची रेयो।

1 तीमुथियुस 3:7

से मणू मसीह बिच विश्वास ना करणे वाले लोक्कां बिच भी इज्जतदार होणा चाएदा कुथकी इय्यां ना हो कि से शैतान रे फंदे बिच फसी जाए।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।