2 कुरुन्थियों 8:20 - चम्बयाली नौआ नियम

²⁰ असी तीतुस कने इक्क होर विश्वासी भ्याल जो भेज्जी करी इस गल्ल री सावधानी बरतेया करदे हिन, कि इस उदारता रे कम्म रे बारे बिच जिसेरी सेवा असी करदे, कोई असा पर इल्जाम ना लाई सके।

2 कुरुन्थियों 8:20 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

रोमियों 14:16

इधेरे तांइ, भले ही जे तुसा करेया करदे हिन तिसजो सही समजदे होण, पर जे अगर कोई तिसजो गलत समजदा हो, ता से कम्म मत करो।

1 कुरुन्थियों 16:3

ते जां मैं तित्ते होणा, तां मैं तुसा रे भरोस्सेमंद मणूआं रे हत्थां चीठ्ठी देई करी तिन्हा जो भेजी दिंगा ताकि तिन्हा कने तिन्हेरी पहचान होई जाए ते से तुसा री आर्थिक मदद यरुशलेम बिच पूजाई दैण।

2 कुरुन्थियों 11:12

पर मैं तुसा का कदी दान नी लैणा, ताकि दूज्जेयां जो इस गल्ल बिच घमंड करणे रा मौक्का ना मिल्ले कि तिन्हा ने भी तिस्सी तरिक्के कने सेवा करदे जिय्यां असी करदे।

2 कुरुन्थियों 8:19

ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।

2 कुरुन्थियों 8:21

किजोकी असी तिन्हा गल्लां री फिकर करदे जे गल्लां सिर्फ प्रभु रे ही सामणे नी, पर लोक्कां रे सामणे भी भली हिन।

इफिसियों 5:15

इधेरे तांइ ध्यान देयो कि तुसा कदेइ जिन्दगी जिया करदे हिन, बेवकूफ लोक्कां सांई मत बणो पर समजदार बणो।

1 थिस्सलुनीकियों 5:22

हर तरिक्के री बुराई का बची रेयो।