2 कुरुन्थियों 8:19 - चम्बयाली नौआ नियम

¹⁹ ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।

2 कुरुन्थियों 8:19 ပူးပေါင်းရင်းမြစ်များ

प्रेरितां रे कम्म 14:23

ते तिन्हा ने हर-इक्क कलीसिया बिच तिन्हेरे तांइ बुजुर्ग मणू रख्खे, ते ब्रत रख्खी करी प्रार्थना करी के, तिन्हा जो प्रभु रे हत्थां बिच सौंपेया जिन्हा पर तिन्हा ने विश्वास कित्तेया थिया।

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 15:25

इधेरे तांइ असा ने इक्क मन होई करी ठीक समजेया, कि असा रे चुणे रे प्यारे बरनबास ते पौलुस जो तुसा का भेज्जन।

प्रेरितां रे कम्म 19:22

ते तिसने तिसेरी सेवा करणे वालेयां बिच का तीमुथियुस ते इरास्तुस जो मकिदुनिया प्रदेश तिसका पैल्ले भेज्जी करी किच्‍छ रोज एशिया प्रदेश रे इफिसुस सहर बिच रेया।

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

रोमियों 5:3

सिर्फ ए ही नी, पर असी ए सोच्ची करी दुख-तकलिफां सहणे बिच भी खुस हिन, कि दुख-तकलीफ सहणे कने सबर बदधा,

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 कुरुन्थियों 8:11

अवे तुसा जो से कम्म पूरा करणा चाएदा जे तुसा सुरु कित्तेया थिया। सुरुआत बिच तुसा री गरीब विश्वासियां जो दान दैणे री इच्छा थी, से अब्बे तुसा रे दान दैणे कने दिसणी भी चाएदी। अपणी कमाई रे हिसाब कने दान देयो।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

2 कुरुन्थियों 8:20

असी तीतुस कने इक्क होर विश्वासी भ्याल जो भेज्जी करी इस गल्ल री सावधानी बरतेया करदे हिन, कि इस उदारता रे कम्म रे बारे बिच जिसेरी सेवा असी करदे, कोई असा पर इल्जाम ना लाई सके।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

2 कुरुन्थियों 9:8

ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।