2 कुरुन्थियों 8:18 - चम्बयाली नौआ नियम

¹⁸ असा ने तिस कने तिस विश्वासी भ्याल जो भी भेज्जे रा है, जिस जो सारी कलीसियां रे सारे संगी विश्वासी मसीह यीशु रे सुब बसेख रे प्रचारक होणे रे नात्ते जाणदे।

2 कुरुन्थियों 8:18 ပူးပေါင်းရင်းမြစ်များ

रोमियों 16:4

तिन्हा ने मेरी जान तिकर अपणा जान दाव पर लाई रख्खे री है, ते सिर्फ मैं ही नी, पर गैर यहूदियां री कलीसियां भी तिन्हा रा शुक्रिया करदी।

1 कुरुन्थियों 16:3

ते जां मैं तित्ते होणा, तां मैं तुसा रे भरोस्सेमंद मणूआं रे हत्थां चीठ्ठी देई करी तिन्हा जो भेजी दिंगा ताकि तिन्हा कने तिन्हेरी पहचान होई जाए ते से तुसा री आर्थिक मदद यरुशलेम बिच पूजाई दैण।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

2 कुरुन्थियों 2:12

जां मैं मसीह यीशु रा सुब बसेख सुनाणे त्रोआस सहर बिच आया, तां प्रभु ने मेरे जो सुब बसेख सुनाणे रा बड्डा मौक्का दित्तेया।

2 कुरुन्थियों 8:19

ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।