2 कुरुन्थियों 8:12 - चम्बयाली नौआ नियम

¹² किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

2 कुरुन्थियों 8:12 ပူးပေါင်းရင်းမြစ်များ

मत्ती 25:17

तिय्यां ही जिस जो दो तोड़े मिल्ले थिये, तिन्निए भी दो होर कमाए।

मत्ती 25:22

अते जिस जो दो तोड़े मिल्ले थिये तिसने भी आई करी बोल्लेया, मालक, तुसा मेरे जो जे दो तोड़े दित्ते थिये, मैं दो तोड़े होर कमाए हिन।

लूका 16:10

जे थोडे़ का थोडे़ अन्दर भरोसेमंद है, से मती सारी चीजां अन्दर भी भरोसेमंद होणा ते जे थोडे़ का थोडे़ अन्दर बेईमान है, से मती सारी गल्लां अन्दर बेईमान होणा।

2 कुरुन्थियों 8:11

अवे तुसा जो से कम्म पूरा करणा चाएदा जे तुसा सुरु कित्तेया थिया। सुरुआत बिच तुसा री गरीब विश्वासियां जो दान दैणे री इच्छा थी, से अब्बे तुसा रे दान दैणे कने दिसणी भी चाएदी। अपणी कमाई रे हिसाब कने दान देयो।

2 कुरुन्थियों 8:13

इय्यां नी है कि मैं ए चाह्‍ंदा कि दूज्जेयां री जिन्दगी सुखदी ते तुसा री जिन्दगी मुस्किल होई जाओ। मेरा सिर्फ ए ही मतलब है कि सारेयां बिच बराबरी होणा चाएदी।

2 कुरुन्थियों 8:19

ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।

2 कुरुन्थियों 9:7

हर इक्क मणू जदेया से अपणे मन बिच पक्का करी लेयो तदेया ही दान करो। ना ता कुढ़ी-कुढ़ी करी ते नां ही कुसकी दवाब री वजह कने से दान करो, किजोकी परमेश्वर खुसी कने दान दैणे वालेयां कने प्यार करदे हिन।

1 पतरस 4:10

हर इक्क जणे जो परमेश्वर का कोई वरदान मिल्ले रा है ते तिन्हा जो तिस वरदान रा इस्तेमाल दुज्जेया री सेवा करणे तांइ करणा चाएदा। तिन्हा जो तिस वरदान रा इस्तेमाल परमेश्वर रे सेवादार मणूआं री खात्तरदारी करणे तांइ भी करणा चाएदा।