2 कुरुन्थियों 8:10 - चम्बयाली नौआ नियम

¹⁰ इस गल्ल पर तुसा तांइ मेरी ए ही सलाह है कि ए ठीक गल्ल होणी कि जे तुसा इक्क साल पैल्ले सुरु कित्तेया थिया, तिस कम्म जो पूरा करो। पिछले साल तुसा पैल्ले मणू थिये जे दान दैणा चाह्‍ंदे थिये, ते तुसा मणू ही पैल्ले हिन जिन्हा ने दान दैणा सुरु भी कित्तेया थिया।

2 कुरुन्थियों 8:10 ပူးပေါင်းရင်းမြစ်များ

मत्ती 10:42

जे कोई मेरे इन्हा भोले-भाले चेल्‍लेयां जो इक्क गलास ठण्डा पाणी पीणे जो दे कि से मेरा चेल्ला है, तां मैं तुसा रे कने सच्ची बोलदा कि तिसजो इधेरा ईनाम मिलणा ही मिलणा।

यूहन्ना 11:50

ते ना ही ए समजदे कि तुसा रे तांइ ए ही भला होणा कि असा रे सब मणूआं तांइ इक्क मणू मरे, ते ना ए कि सारी जाति नास (बर्बाद) हो,

यूहन्ना 16:7

पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा।

यूहन्ना 18:14

ए काईफा सेह्ई मणू थिया जिनिए यहूदी मन्त्रियां जो सलाह दित्ती थी कि सब मणूआं तांइ इक्क रा मरणा खरा है।

1 कुरुन्थियों 10:23

जिय्यां कि तुसा बोलदे कि असा जो सब किच्‍छ करणे री अजादी है, हाँ, पर सब किच्‍छ करणा असा तांइ खरा नी है। असा जो सब किच्‍छ करणे री अजादी ता है, पर सब किच्‍छ परमेश्वर बिच असा रे विश्वास जो मजबूत नी करदा।

1 कुरुन्थियों 16:2

हफ्ते रे पैल्ले दिन तुसा बिच हर इक्क जणा अपणी-अपणी कमाई बिच का किच्‍छ अप्पु का जमा करी रख्खे ताकि मेरे आणे का बाद दान ना कठेरणा पेयो।

1 कुरुन्थियों 6:12

तुसा बिच का किच्‍छ मणू बोलदे कि असी जे मर्जी चाए से करी सकदे, पर मैं तुसा जो बोलदा कि हर किच्‍छ असा तांइ खरा नी है। इधेरे तांइ मैं कुसकी भी चीज रे वस बिच नी होणा चाह्‍ंदा।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

1 कुरुन्थियों 7:40

पर जे अगर से बगैर ब्याए ही रेह्न्दी, तां मैं समजदा कि से होर भी जादा खरा है। मेरे जो कि मैं परमेश्वर रे पास्से का तुसा जो ए सब किच्‍छ सिखाया करदा है।

2 कुरुन्थियों 12:1

हालांकि मेरे तांइ घमंड करणा फायदेमंद ता नी है, पर मेरे जो घमंड करणा पैंदा। पर अवे मैं परमेश्वर रे पास्से का मिल्ले रे दर्शनां ते दस्से री गल्लां रे बारे बिच चर्चा करणी।

2 कुरुन्थियों 8:6

इधेरे तांइ असा ने तीतुस जो समजाया कि जिय्यां तिनिये पैल्ले सुरु कित्तेया थिया तिय्यां ही इस दान रे कम्म जो तुसा रे बिच मझाटे पूरा भी करी लै।

2 कुरुन्थियों 8:8

मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

फिलिप्पियों 4:17

मैं ए नी लिख्खेया करदा है कि मैं तुसा का दान चाह्‍ंदा, पर मैं चाह्‍ंदा कि ए भी तुसा रे भले कम्मां री सुची बिच जुड़ी जाए जिन्हा तांइ परमेश्वर ने तुसा जो ईनाम दैणा।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।