2 कुरुन्थियों 8:1 - चम्बयाली नौआ नियम

¹ अवे ओ विश्वासी भाईयों, असी तुसा जो परमेश्वर रे तिस अनुग्रह रा बसेख दिदें जे मकिदुनिया प्रदेश रे विश्वासियां पर होए रा है।

2 कुरुन्थियों 8:1 ပူးပေါင်းရင်းမြစ်များ

मत्ती 25:22

अते जिस जो दो तोड़े मिल्ले थिये तिसने भी आई करी बोल्लेया, मालक, तुसा मेरे जो जे दो तोड़े दित्ते थिये, मैं दो तोड़े होर कमाए हिन।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

प्रेरितां रे कम्म 16:9

रात्ती रे बेल्ले पौलुस ने दर्शन बिच दिख्खेया कि मकिदुनिया प्रदेश रा इक्क मणू तिस कने बिनती करी के बोलदा थिया, कि समुन्द्र रे पार आई मकिदुनिया प्रदेश बिच आ ते असा री मदद कर।

प्रेरितां रे कम्म 24:17

मते साल्लां बाद मैं अपणे लोक्कां जो दान दैणा, ते परमेश्वर जो भेंट चढ़ाणे तांइ यरुशलेम सहर बिच आया थिया।

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।

2 कुरुन्थियों 9:12

किजोकी इस सेवा जो पूरा करणे कने ना सिर्फ गरीब विश्वासियां री जरुरतां पूरी हुंदी, पर मणूआं रे पास्से का परमेश्वर रा भी बड़ा शुकर कित्तेया जान्दा

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

2 कुरुन्थियों 9:4

इय्यां ना हो कि अगर मकिदुनिया प्रदेश रा रैह्णे वाला कोई विश्वासी मेरे कन्ने आओ, ते से दिख्खो कि तुसा मणू तैयार ही नी हिन, तां होई सकदा कि असी तुसा पर बड़ा भरोस्सा करणे री वजह कने शर्मिंदा होई जाण, पर तुसा असा का भी जादा शर्मिंदा होणा।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

1 थिस्सलुनीकियों 4:10

ओ संगी विश्वासियों, तुसा पैल्ले ही मकिदुनिया प्रदेश बिच रैह्णे वाले सारे संगी विश्वासियां पर अपणा प्यार ज़ाहिर कित्ते रा है, ते असी तुसा जो इक्क-दूए कने प्यार करणे बिच बधणे तांइ उत्साहित करदे।