2 कुरुन्थियों 7:9 - चम्बयाली नौआ नियम

⁹ अवे मैं खुस है, पर इधेरे तांइ नी तुसा जो दुख होया, पर इधेरे तांइ की तुसा तिस दुख री वजह कने अपणे पाप्पां का तौबा कित्ती ते परमेश्वर रे रस्ते पर चलणा लगे, किजोकी ए दुख परमेश्वर रे पास्से का थिया ताकि असा पास्से का तुसा जो कोई नुक्सान ना हो।

2 कुरुन्थियों 7:9 ပူးပေါင်းရင်းမြစ်များ

मत्ती 3:8

अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 2:16

पर तिन्हा लोक्कां तांइ जे बर्बादी पास्से बदेया करदे हिन, ए मौत री इदेइ गंदी मुस्क है, जे मौत रे पास्से लेई जांदी। पर तिन्हा लोक्कां तांइ जे छुटकारा रे रस्ते बिच बदेया करदे हिन, ए जिन्दगी री इदेयी महक है, जे हमेसा री जिन्दगी रे पास्से लेई चलदी। इन्हा गल्लां जो कोई अपणी काबलियत कने नी करी सकदा।

2 कुरुन्थियों 7:8

मेरे जो इस गल्ल रा कोई पछतावा नी है कि मैं तुसा जो गम्भीर चीठ्ठी लिख्खी, हालांकि तिस कने तुसा उदास होई गे। मेरे जो पैल्ले पछतावा होया थिया जां मैं दिख्खेया थिया कि तुसा तिस चीठ्ठी री वजह कने उदास होई गे।