2 कुरुन्थियों 7:8 - चम्बयाली नौआ नियम

⁸ मेरे जो इस गल्ल रा कोई पछतावा नी है कि मैं तुसा जो गम्भीर चीठ्ठी लिख्खी, हालांकि तिस कने तुसा उदास होई गे। मेरे जो पैल्ले पछतावा होया थिया जां मैं दिख्खेया थिया कि तुसा तिस चीठ्ठी री वजह कने उदास होई गे।

2 कुरुन्थियों 7:8 ပူးပေါင်းရင်းမြစ်များ

यूहन्ना 16:6

किजोकी मैं ए गल्लां तुसा जो दस्सी दित्ती हिन, ते तुसा दुखी होई गेरे हिन।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

2 कुरुन्थियों 7:11

ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्‍त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।

2 कुरुन्थियों 7:12

फिरी मैं पैल्ले जे से गम्भीर चीठ्ठी तुसा जो लिख्खी थी, से ना तां तिसेरे वजह कने लिख्खेया जिन्निए नाइन्साफी कित्ती, ते ना तिसेरे वजह कने जिस कने नाइन्साफी होई, पर इस तांइ की तुसा रा जे जोस असा तांइ है से परमेश्वर रे सामणे तुसा रे सामणे आई जाए।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

2 कुरुन्थियों 7:7

ते तिसेरे आणे कने मेरे जो तिन्नी तसल्ली मेरे जो नी, जिन्नी तसल्ली मेरे जो तां मिल्ली जां तिनिये मेरे जो दस्सेया कि तुसा मेरे तांइ किन्ने फिकरमंद थिये ते तुसा जो मेरा बड़ा चाह होए रा थिया, ते तुसा जो असा री मुसीबतां रे बारे बिच जाणी करी किन्ना जादा दुख होया थिया।

2 कुरुन्थियों 7:9

अवे मैं खुस है, पर इधेरे तांइ नी तुसा जो दुख होया, पर इधेरे तांइ की तुसा तिस दुख री वजह कने अपणे पाप्पां का तौबा कित्ती ते परमेश्वर रे रस्ते पर चलणा लगे, किजोकी ए दुख परमेश्वर रे पास्से का थिया ताकि असा पास्से का तुसा जो कोई नुक्सान ना हो।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।