2 कुरुन्थियों 7:3 - चम्बयाली नौआ नियम

³ मैं तुसा जो दोषी ठैहराणे तांइ ए नी बोलदा, किजोकी मैं पैल्ले ही बोल्ली चुक्के रा है कि असी तुसा जो इन्ना प्यार करदे कि असी तुसा कने जीणे-मरणे तांइ भी तैयार हिन।

2 कुरुन्थियों 7:3 ပူးပေါင်းရင်းမြစ်များ

2 कुरुन्थियों 11:11

मैं किजो कदी पैसे नी लित्ते? कै इधेरे तांइ तुसा का दान नी लित्ता कि मैं तुसा कने प्यार नी रखदा? पर परमेश्वर ए जाणदे कि मैं तुसा कने प्यार रखदा।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 3:2

तुसा ता अप्पु ही चीठ्ठियां सांई हिन जे परमेश्वर तांइ कित्ते रे मेरे कम्मां री सिफारिश करदे ते जिन्हा जो सारे मणू पढदे ते समजदे।

2 कुरुन्थियों 7:12

फिरी मैं पैल्ले जे से गम्भीर चीठ्ठी तुसा जो लिख्खी थी, से ना तां तिसेरे वजह कने लिख्खेया जिन्निए नाइन्साफी कित्ती, ते ना तिसेरे वजह कने जिस कने नाइन्साफी होई, पर इस तांइ की तुसा रा जे जोस असा तांइ है से परमेश्वर रे सामणे तुसा रे सामणे आई जाए।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

1 थिस्सलुनीकियों 2:8

ते तिय्यां ही असी तुसा री चाहत करदे होए, ना सिर्फ परमेश्वर रा सुब बसेख पर अपणी जान भी तुसा जो दैणे तांइ तैयार थिये, इस तांइ किजोकी तुसा जो बड़ा प्यार करदे थिये।