2 कुरुन्थियों 7:2 - चम्बयाली नौआ नियम

² असा कने प्यार बणाई रख्खो, असी ना कुसकी कने नाईंसाफी कित्ती ते ना कुसकी रा किच्‍छ बिगाड़े रा है ते ना ही कुसकी जो ठग्गे रा है।

2 कुरुन्थियों 7:2 ပူးပေါင်းရင်းမြစ်များ

मत्ती 10:14

जे कोई तुसा जो नी अपणांदा अते तुसा री गल्लां नी सूणदा, तां तिस घर या तिस सहर का जांदे बेल्ले अपणे पैरां का धूल झम्मी आयो।

मत्ती 10:40

जे तुसा जो अपणाई लिंदा, से मेरे जो अपणाई लिंदा, अते जे मेरे जो अपणांदा से मेरे भेजणे वाले जो अपणाई लिंदा।

लूका 10:8

जे कुसकी ग्रां अन्दर जाई करी तित्ते रे मणू तुसा जो खुस होई करी किच्‍छ भी खुआंगे, से खुसी कने खाई लेयो

प्रेरितां रे कम्म 20:33

मैं कुसकी रे चाह्‍ंदी, सोन्ने या कपड़े रा लालच नी कित्तेया

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 11:16

मैं फिरी बोलदा कि कोई ए मत समझो कि मैं बेवकूफ है, पर भले ही तुसा इय्यां सोचदे भी हुंगे, ते जां मैं इय्यां घमंड भी करां, तां मेरे जो इक्क बेवकूफ समजी करी ही मेरी गल्लां जो सुणी लेया करो।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

फिलिप्पियों 2:29

इधेरे तांइ तुसा प्रभु बिच तिस कने बड़ी खुसी कने मिलणा ते तिसेरे जदेय लोक्कां रा आदर करेयो।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

1 थिस्सलुनीकियों 2:10

तुसा अप्पु ही गवाह हिन, ते परमेश्वर भी गवाह है की तुसा संगी विश्वासियों रे मझाटे असा रा बर्ताव कदेया पवित्र, धार्मिक ते बेकसूर रे रा है।

फिलेमोन 1:12

हालांकि मैं उनेसिमुस जो बड़ा वरी प्यार करदा तां भी मैं तिसजो तेरे का भेज्जेया करदा है।

फिलेमोन 1:17

जां उनेसिमुस ने तुसा का हटी आणा तां तिस कने तिय्यां ही पेश आओ जिय्यां कि तुसा मेरे कने पेश आंदे।

2 यूहन्ना 1:10

जे अगर कोई मणू तुसा जो मसीह री शिक्षा का कोई बखरी ही शिक्षा दे, तां ना ही तिस मणू जो अपणे घरे आणे देयो ते ना ही तिस कने कोई सलाम-दुआ रख्खी करी, तिसजो होर प्रोत्साहन देयो।