2 कुरुन्थियों 7:15 - चम्बयाली नौआ नियम

¹⁵ ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

2 कुरुन्थियों 7:15 ပူးပေါင်းရင်းမြစ်များ

यूहन्ना 16:21

जां कोई जनानी बच्चा जमणा लगदी तां तिसजो पीड़ां हुंदी, किजोकी से तिसेरे बड़े वरी दर्द सैहणे रा बेल्ला हुदां, पर जां से बच्चे जो जन्म देई बैन्दी तां तिसेरा दुख खुसी बिच बदली जांदा किजोकी दुनिया बिच इक्क बच्चा पैदा होया, से तिस दुख जो भूली जादीं ते से तिसजो फिरी याद नी करदी।

प्रेरितां रे कम्म 16:29

तां तिस जेल रे अधिकारी ने मशाल मंगवाई ते अन्दर चली गेया, ते कंमदा-कंमदा पौलुस ते सीलास रे पैरा पेई गेया

1 कुरुन्थियों 2:3

ते मैं अपणी कमजोरी ते डर कने ते बड़ा कंमदे-कंमदे तुसा कने रेया।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 6:12

असा रे दिल बिच तुसा तांइ प्यार री कोई कमी नी है, पर तुसा ने असा तांइ अपणे प्यार जो रोक्की रख्खे रा है।

इफिसियों 6:5

ओ गुलामों, इस दुनिया बिच जे तुसा रे मालक हिन, तिन्हेरे हुकमां जो मन्नों ते अपणे मन रे सिद्देपन कने तिन्हेरे तिन्ने ही भरोसेमंद रेयो जिन्ना तुसा मसीह कने हिन,

फिलिप्पियों 1:8

इस अन्दर परमेश्वर मेरे गवाह हिन कि मैं मसीह यीशु सांई दाह करी के तुसा सबणी जणेया कने मिलणे री चाह करदा रेयां।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

कुलुस्सियों 3:12

किजोकी परमेश्वर तुसा जो प्यार करदे ते तिन्हा ने तुसा जो अपणे पवित्र मणू बणने तांइ चुणी लित्ते रा है, इधेरे तांइ तुसा बड़ी करुणा, निमतापन, भलाई, कने सहनशीलता ते दया रा स्वभाव धारण करी लेयो।

2 थिस्सलुनीकियों 3:14

जे अगर कोई असा री इस चीठ्ठी बिच लिख्खे शिक्षा री गल्लां जो ना मन्ने तां सारेयां सामणे तिस मणू रा खुलासा करी देयो, ते इदेय विश्वासी का दुर रेयो ताकि इय्यां करणे कने तिसजो शर्मिंदगी महसूस हो।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।