2 कुरुन्थियों 7:13 - चम्बयाली नौआ नियम

¹³ इस तांइ असा जो तसल्ली मिली, असा री इस तसल्ली ते तीतुस री खुसी री वजह कने, असा जो होर भी जादा खुसी होई, किजोकी तिसेरा मन तुसा री वजह कने होर भी जादा खुस होई गे रा है।

2 कुरुन्थियों 7:13 ပူးပေါင်းရင်းမြစ်များ

रोमियों 12:15

खुसियां मनाणे वालेयां कने खुसी मनाओ, ते रोणे वालेयां कने रोओ।

रोमियों 15:32

ते मैं परमेश्वर री मर्जी कने तुसा का आं, ते तुसा री संगत बिच तरो-ताजा होई जां।

1 कुरुन्थियों 12:26

इस तांइ जे अगर इक्क अंग बिच कमजोरी हुंदी तां सारा सरीर तकलीफ बिच हुंदा। ते तिय्यां ही जां असा रे सरीर रे इक्क अंग री बड़ी बदिया दिख्ख-रिख्ख हुंदी

1 कुरुन्थियों 16:13

चुकन्ने रेयो, मसीह यीशु बिच विश्वास करणे बिच स्थिर बणो, हिम्मतवाले बणो, ते विश्वास बिच मजबूत बणो।

1 कुरुन्थियों 16:18

जिय्यां तिन्हा ने मेरे जो प्रोत्साहित कित्ते रा है, तिय्यां ही तिन्हा ने तुसा जो भी प्रोत्साहित करणा जां तिन्हा ने तुसा का आणा। इन्हा लोक्कां सांई तुसा भी लोक्कां रा आदरमान करेया करो।

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

2 कुरुन्थियों 2:3

अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:15

ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

फिलिप्पियों 2:28

इधेरे तांइ मैं तिसजो भेजणे री तोल कित्ती ताकि तुसा खुस होई जाओ, ते मेरी फिकर भी घटी जाओ।

2 तीमुथियुस 1:16

उनेसिफुरूस रे टब्बर पर प्रभु दया करण, किजोकी से मती वरी मेरे कने मिल्लेया ते मिंज्जो प्रोत्साहित कित्तेया, ते से कैद बिच मेरे जो मिलणे तांइ शर्मिंदा नी होया।

फिलेमोन 1:20

ओ प्यारे दोस्त, प्रभु तांइ मेरी ए मदद कर कि इक्क मसीही भाई होणे रे नाते मेरे जो प्रोत्साहित कर।

फिलेमोन 1:7

किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।