2 कुरुन्थियों 7:11 - चम्बयाली नौआ नियम

¹¹ ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्‍त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।

2 कुरुन्थियों 7:11 ပူးပေါင်းရင်းမြစ်များ

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

यूहन्ना 2:17

तां तिसेरे चेल्‍लेयां जो चेत्ता आया कि पवित्रशास्त्र बिच लिख्खे रा है, “तेरे मन्दिर तांइ मेरा जुनून आग्ग सांई भखेया करदा है।”

प्रेरितां रे कम्म 17:16

जां पौलुस एथेंस सहर बिच तिन्हा जो भालेया करदा थिया, तां सहर जो मूर्तां कने भरितेरा दिख्खी करी तिसेरा कलेजा फुक्की गेया।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 14:18

जे कोई इस तरिक्के कने मसीह यीशु री सेवा करदा, से परमेश्वर जो खुस करदा, ते मणू भी तिसेरा आदरमान करदे।

रोमियों 3:5

जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।)

1 कुरुन्थियों 12:25

ताकि सरीर बिच फूट ना पये, पर इक्क अंग दूए अंग री बराबर फिकर करे।

1 कुरुन्थियों 5:13

जिय्यां कि पवित्रशास्त्र बिच लिख्खे रा है कि अविश्वासियां रा हिसाब-किताब ता परमेश्वर करदा, पर तुसा इदेय बुरे कम्म करणे वालेयां जो अपणे बिच का कड्डी देयो।

1 कुरुन्थियों 5:2

इस बारे बिच तुसा दुखी होणा चाएदा थिया। जे कोई इदेया कम्म करदा तुसा जो तिस मणू जो अपणी कलीसिया बिच का बाहर कड्डी दैणा चाएदा थिया, पर इय्यां करणे रे बजाए तुसा उल्टा घमंड कने भरी गे।

2 कुरुन्थियों 13:7

असी परमेश्वर का ए प्रार्थना करदे कि तुसा मणू कोई पाप ना करो, ए दिखाणे तांइ नी कि असी कामयाब होई गे, पर सिर्फ इधेरे तांइ कि तुसा भलाई रे कम्म करो, भले ही असी निकम्मे समजे जाण।

2 कुरुन्थियों 2:6

इदेय जणे तांइ जे विश्वासी भाईयां ने दित्ते री है, से ही सही है।

2 कुरुन्थियों 6:4

हर तरिक्के कने असी ए ज़ाहिर करदे कि असी परमेश्वर रे चुणे रे दास हिन, असी बड़े सबर कने दुखां, कमी-घटियां ते मुसीबतां जो सैह्‍ंदे।

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

2 कुरुन्थियों 7:7

ते तिसेरे आणे कने मेरे जो तिन्नी तसल्ली मेरे जो नी, जिन्नी तसल्ली मेरे जो तां मिल्ली जां तिनिये मेरे जो दस्सेया कि तुसा मेरे तांइ किन्ने फिकरमंद थिये ते तुसा जो मेरा बड़ा चाह होए रा थिया, ते तुसा जो असा री मुसीबतां रे बारे बिच जाणी करी किन्ना जादा दुख होया थिया।

2 कुरुन्थियों 7:9

अवे मैं खुस है, पर इधेरे तांइ नी तुसा जो दुख होया, पर इधेरे तांइ की तुसा तिस दुख री वजह कने अपणे पाप्पां का तौबा कित्ती ते परमेश्वर रे रस्ते पर चलणा लगे, किजोकी ए दुख परमेश्वर रे पास्से का थिया ताकि असा पास्से का तुसा जो कोई नुक्सान ना हो।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

इफिसियों 4:26

जे अगर तुसा गुस्सा भी होई जांदे ता ध्यान रख्खो कि कोई पाप ना करो, ते ध्यान रख्खो कि रात्ती सोणे का पैल्ले-पैल्ले ही अपणे गुस्से जो सांत करी लेया करो।

इफिसियों 5:11

न्याहरे रे नाकाम पाप्पां बिच हिस्सेदार मत बणो, बल्कि लोक्कां जो फटकार लाई करी दस्सो कि से कम्म गलत हिन।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

1 तीमुथियुस 5:20

जे मणू पाप करदे तिन्हा जो पूरी कलीसिया रे लोक्कां सामणे बको ताकि कलीसिया रे बाकि लोक्कां पर डर बणेया रे।

2 तीमुथियुस 2:15

जिन्नी जादा होई सके तुसा उन्नी जादा मैहनत करो ताकि परमेश्वर तुसा जो तिन्हेरे इदेय कम्म करणे वाले मणू रे रुप बिच पसंद करी सके जे तिन्हेरे कम्म का शर्मिंदा ना हुंदा हो ते जे सही तरिक्के कने तिन्हेरे सच्चाई रे बसेख जो सुणांदा हो।

तीतुस 3:8

जे गल्लां मैं तुसा जो इस चीठ्ठी बिच बोल्ली री हिन से सारी भरोस्सेमंद हिन। ते मैं ए चाह्‍ंदा कि तुसा मणू इन्हा गल्लां रे बारे बिच डटी करी विश्वासी लोक्कां जो सिखाओ। ते से मणू भलाई रे कम्म करणे बिच अपणा ध्यान लाई रखण। ए शिक्षा हर इक्क जणे तांइ बदिया ते बड़ी मददगार हिन।

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

यहूदा 1:23

होरणी लोक्कां जो हमेसा री मौत री आग्ग का झपटी करी कड्डी लेयो ते इदेय किच्‍छ मणू भी हिन जिन्हा पर तुसा जो दया करणा चाएदी पर इस कन्ने चुकन्ने भी रेयो। तुसा जो तिन्हेरे कपड़ेयां का नफरत करणा चाएदी किजोकी तिन्हेरी सरीर री बुरी इच्छां कने से गंदे होई गेरे हिन।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।